當我17歲0個年讀毅進.我0個班,有好多哥哥姐姐.
雖然,我好貪玩,好白痴,好任性,好低能.

但佢地個個都唔嫌我細路女,個個都好錫我,成日都會拉埋我一齊去玩,去飲酒.成日都好語重心長咁教我好多野.

我都好鍾意同佢地一齊玩r~因為,佢地會講好多自己既故事我知.教我好多野.0個一年,我學到好多好多....

你地吩咐過我,要做一個善良既人,要去做一個好人,要好好記住你地講既每一句野,要成熟處事,要忠於自己,唔好俾自己唔開心,要幸福快樂.唔好俾自己跌低,唔好俾人蝦,要好好保護自己.

一次0係後樓梯,同其中一個哥哥食煙.
大哥哥 : 0者喱!
我 : 咩事~? (笑笑笑)
大哥哥 : 你知唔知r.其實你好得意,好可愛,好得人鍾意架!
我 : 嗯...(心知不妙...)
大哥哥 :(突然好認真地)但要記住.將來有咩事都好!唔好俾人蝦你!
我 : 嗯........(眼淚開始失控,不停滴滴滴...講唔到野喇)
大哥哥 : 就算,如果真係有人蝦你,你都唔好俾我知!
我 : 點....解....r.... (口震~)
大哥哥 :如果俾我知道邊個蝦你!我一定唔會放過佢!我一定會打佢!
記住!唔可以俾人蝦你!有人蝦你,講我知!
萬大事都有kk0係度!你撐唔到同我講聲!kk幫你撐!
我 : (喊到收唔到聲喇)

八年後既我...你地講既野我仲好記得!但.我做到邊一樣野呢?...我係咪一個好人?我唔知道.只知道依家既我,既唔成熟,無去忠於自己,變得任何事都好易俾人牽住走,無決定既能力,處事仍舊低能,無去令自己開心,無去令自己幸福快樂,無好好去保護自己,俾人蝦就用我最高既eq去扮無野.

我諗起你地,同你地一齊返學,去玩既日子,你地對我講過同教過我既野,0個時每次我總會係純真地認真大力點頭應承你地
對唔住r.....諗起你地,我想喊.....好掛住你地...