十年黎食第一粒止痛藥

尋晚唔知搞乜鬼, 胃抽筋喎, 搞到尋晚要食粥, 跟著抽抽下…變左個背脊痛, 我都話我有神經病架啦, 11點訓上張床, 典床典席, 到凌晨2點, 終於頂唔順, 起身上下網, 到4點到, 食左粒止痛藥, 見無咁痛, 咪又上番張床到典囉, 點知, 唔駛點典就訓著左, 不過唔係訓得好冧, 5點幾就醒左, 不過我都吽到7點至起身…

點解會咁既呢? 睇黎, 我既小宇宙出左問題啦, 下個禮拜又上蘇州做野, 本來諗住今晚去睇醫生架, 但係..依家, 又好似無乜野喎…都唔知睇唔睇好, 不過可能成十年無食過止痛藥, D藥有D效喎….不過唔想又對D止痛藥有依賴性, 都係少食為妙.

我要記住, 我開始轉運架啦..有信心未必會贏, 無信心一定會輸架嘛, 諗咁多做乜喎, 做人要活在當下架嘛, 做貓更加要…做隻貓做隻狗不做仇人, 做隻寵物至少可以迷暈, 和妳不勾不拖最終只會成為食人(族)

依家, 係期望緊四月, 老細講既花紅, 真係有得派, 人工, 唔要求加咁多啦, 聽依到D同事講, 可能加1至2個%咋…不過, 我同佢地唔同公司, 可能有D唔同既, 不過舊年都係加得2.4個%...所以都係不存厚望, 龍貓, 貓唔過塘唔肥架, 幾時可以重演, 04/05年間, 轉左3份工, 人工加左50%依個奇蹟呢??

今日3月20日 係肥狗個死忌….可能係咁搞到我典床典席, 貓貓越黎越痴我啦, 我唔訓覺, 佢都唔訓覺……….

今朝起身, 買左杯熱奶茶飲….熱奶茶真係靈丹妙藥….我要努力做運動, 我要..做好依份工~~~過去既星期四,五,六, 我都有跑呀