7月份財務報告

望穿秋水(好在唔係”抽”水…馬桶, 唔係”望穿”左都唔知點”抽”走D”水”佢), 花紅終於向6月28日發放啦, 遲左成3個月, 唉, 集團點做野架, 同政府派六千蚊一樣, 俾個希望俾人, 又硬係”鈕鈕鈴鈴”唔願俾人, 哂心機捱…肚餓.

7月份, 計及花紅及扣除稅務開支, 錄得盈餘54.4%, 創今年新高, 亦係有紀錄而黎既第2高, 預算即為盈餘86.4%, 低32.0%, 主要原因如下:

1.     服裝開支 多(25.9)%

2.     特殊開支 多(5.3)%

3.     財務開支 多(2.2)%

4.     娛樂開支 少1.4%

而去年同期, 即錄得盈餘11.2%(計及認股權收益87.6%), 增長近5倍, 拍拍拍, 多謝大家既支持同埋努力, “懂是局”計劃撥出花紅2個%紅利獎勵自己, 但有待懂是局批准. 而今年第三季度修訂預測盈利為116.6%(大家要一齊努力, 7月實數己經落後緊32.0%啦), 原預算為80.5%, 去年第三季度即錄得盈利94.3%(計及認股權收益171%).

而8月份, 修訂預測盈餘為2.3% (未計及尚未獲得通過, 以上所提及既2個%紅利支出), 原預算即為26.5%, 而去年同期即錄得盈餘11.7%.

好啦, 向本公司都做左6年啦, 收夠籌啦, 都係時候及早離開, 我決定, 重新投入搵工市場, 搵工跳槽, 沙啦拿啦沙啦啦啦啦啦~~~8月, 暫定寄3至5封求職信….當熱身先…..人工啦喎, 剩計月薪, 我要求最少三成既升幅, 不過最緊要既, 都係份工要有前景同埋我有興趣姐…