今日請假去見工, 事前準備工夫諗漏左樣野, 不過尋日先至發覺, 今次唔記得唔緊要, 下次記得咪得囉
驚遲到呀, 以經預早半個鐘頭去, 但係, 都係早左10分鐘到姐, 有時, 都係唔好咁託大.........好在, 依家終於識, 路在口邊...唔係, 自己去搵, 我諗實遲, 又或者去到無雷公咁樣
去到個到. 發覺間公司唔係想像中咁俱規模..地方係好大, 但係好似, 公共地方多, d員工坐既位唔見好大......
雖然我準時到, 但係都要向梳代坐一陣.......跟著, 見到第二個第三個求職者入黎, 跟著諗, 唔係團體面試嘛.....我好耐無試過...坐左十零分鐘, 我又標奇立異, 等見工嘛, 我居然欏左本書黎睇喎......書到用時方恨少嘛....雖然個面試官睇唔到
咁三個人, 第一個見既係我, 入到去, 三司會審喎, 個主審介紹自己, 我居然口多多, 話向網頁見過佢既介紹, 見佢面色一沉, 可能我講錯野啦, 太輕佻啦, ,可能久疏戰陣啦.
今次面試, 超短, 肯定唔夠十五分鐘, 破紀錄, 當然, 後來諗下, 仲有最少兩個面試者嘛......可能佢地剩係俾十幾分鐘黎見每個人呢...
但係, 今次又犯左大忌, 講野太快, 問我想問佢地乜野問題我又求其問......同埋, 答問題, 好似唔經大腦咁, 佢問完我即答, 唔可以緊守數5聲既原則, 不過都好, 又當學多樣野, 我以前同好多求職者講, 見工, 無論佢請唔請妳都好, 人地高層用左咁寶貴時間見妳, 好似塞錢落袋....人地有得著既.......
唔知我向鉄达彌..仲要坐多幾耐呢.....佢都穿哂窿囉, 我又唔諗住同佢同生共死既......同埋, 真係講個句, 熟既船員, 都剩番唔係幾多個....唉......
我會繼續努力既......最少我有見既機會...唔知幾時可以去番04年個陣. e記, 信記咁, 有d大粒佬同我面試呢, 往時只能回味呀..又諗番舊史, 嘻