相信多數人都會覺得二奶比正室開心幸福得多，但當有三奶出現既時候，三奶又會比二奶同正室開心幸福，好似一個不變既定律，最後個男人都係搵返正室，還是覺得正室你最好．
　　但係我既朋友話比我知佢既故事之後，原來做第三者，唔會係最開心幸福個個，睇住我朋友每日等佢電話，同佢一齊唔係奈，但係一次街都無出過，想見佢就只有落去佢公司，但係落到去佢公司，佢都唔會理我朋友．連最起碼一個禮拜一餐飯既時間都無．每一日就只有一個大約傾得１５分鐘既電話．最後我朋友都忍受唔到，覺得自己只係一個名義上係佢女朋友，而同佢講左分手．
　　睇住我朋友喊左好奈，我都知我朋友唔捨得佢，仲好愛佢，我除左可以借個膀頭比佢喊之後，我唔知自己可以做得到Ｄ乜，呢Ｄ始終都係佢地２個既感情事，我呢Ｄ外人幫唔到手，睇住我朋友咁唔開心，我都有Ｄ心痛．