中國人傳統上，應為父母有掌握仔女ｏ既生
殺之權，我地不時晌報章見到有老豆或者老母自
殺，要佢地既仔女賠葬，一齊死。認為身體髮膚
受自父母，生得佢地出，就有生殺之權！
　　佢地完全唔知道佢地既仔女有選擇生存權利
，有ｄ未婚母親，為左自己，有左骨肉，唔肯承
擔責任，落仔都係視作平常，但係良好既驅使，
佢地會成世唔安樂．
　　呢段野係舊聞，亦都唔係燕兄講開既鬼古．
話說黃太，佢有個三歲女兒，係佢生日個晚
起，晚晚自己同自己玩，唔肯訓覺，仲玩到嘻嘻
哈哈，黃太覺得奇怪，晌某晚掩開佢個女度門，
睇下，佢個女晌度做乜，原來佢個女同一個大過
佢約七歲既細路玩，佢個女仲叫個果細路女做家
姐，黃太大驚，點知個果七歲既既細路女，令翻
轉頭，佢地無腳既，面色灰白，眼再角滲出血
水，佢用淒厲既聲音，叫左聲媽媽．．我好慘
呀！黃太嚇到呆左，佢諗起七年前，自己落個
仔，而落既就係呢個細路女，佢一直都無離開過
呢間屋企．．．．．．