晚上10點49分,為你帶黎一首幾時都令人心動既歌!!
koko:任何人見到都會覺得我地係男女朋友,係,我係一次台灣轉機既時候,好偶然遇到寶意,識左十五個
鐘頭到就分開,但係以後每一日我都諗起佢,過左一百日到竟然俾我地撞番,到而家o岩o岩三個禮拜零四日，
但咁多日夾夾埋埋都見唔夠六十個鐘，不過我地的轉數夾到，我似轉左入的浮沙入面，拔唔番出來，有種
呢世都搵唔番既感覺,但係仲有三日佢就要番美國,係三日,表面我緊係扮晒無野,因為我地o岩o岩先講好,
我地要開開心心過埋呢幾日!包埋我唔准送佢機,調轉係佢答應等我搞掂香港的野,我就即刻去美國搵佢!
koko:望住夜晚個天呢我真係會諗起你,夜晚既天色係由藍寶石既光照出黎,係你先咁講過!
寶意:咁你望住個天個陣呢,會唔會覺得我已經係到陪緊你呀!
koko:會呀!不過望人好過望天!其實呢我琴晚發左個夢,我辭左職同你一齊返美國,幾好!
寶意:唔好成日都諗住我遲的會唔係到你就會好難過先得格!
koko:我難過左好耐o架啦,我講笑咋!
寶意:我地見番都無一個月點算好耐積!
koko:唔係呀,你唔覺得我地要成日好耐先見到既咩!你記唔記到呀,第一次係台灣見既時候,睇住你入閘個
陣呢,我已經好掛住你,我無諗到最後俾我等到係火車站又見番!但係見番呢又要等,一係呢就等你做完野先
見到,一係就等我放工先再見到,等等埋埋都變左好耐!
寶意:咁你會唔會情願我地無見番呀!
koko:唔會!做咩輪到你亂諗野積,唔准呀!氣,你知我o架啦...我對住你我諗到咩就講咩o架啦!
寶意:就算遲的日日都見唔到,我會諗番我記住晒既野,咁你咪好似以經係到咁羅!我練定架啦,真係得架
koko:好啦!咁由今日開始我就博命塞多的自己入你既記憶裡面,咁你想要卡通片呀定係恐怖片!
寶意:如果我淨係呀記住晒呢的野你就衰啦!
koko:點衰呀?
寶意:當你記住一個人既時候呢!無論佢個樣,佢講野,記住左呢永遠都唔會變o架,咁你每次諗番既時候呢
o個個人都會一模一樣,係回憶裡面呢,人係唔會變架,我爸爸講過呢最好既回憶呢就好似鑽石咁,將有過最好
既片段啄磨到最靚,之後就留係回憶裡面保存!
koko:咁...你一定會係我心目中最靚最大粒既鑽石!
<<<嘴嘴後>>>
junko:早晨,椅,你都係到既!
koko:哦,佢call我黎幫手!
junko:哦,食左野未,喂,我買左咖啡同Muffin預多左架,喂食呀,我羅餐巾先!
阿其:喂,不妨試下分散投資好喎!寶意呢就係美國,佢呢就可以留番係local呢一邊,啦,而家呢話晒都興
玩平均啊嗎係咪先,喂走去邊呀?
koko:廁所呀!
junko:喂,koko點解係到既?佢唔洗返工咩,今晚返夜間呀?
薯仔:睇佢個樣都知佢本pei啦!
junko:點解呀?
薯仔:佢沒話你咩?個日佢去追寶意啊嗎!咁人地寶意走入個車廂入面,架火車一開,個傻佬又追唔切喎.
竟然夠膽死走去禁停個煞車製,個車俾禁停左呀,之但係呢兩日,每日都番去俾老總照肺呀!真係照到萬念俱
灰呀!
junko:咁大件事呀!咁會唔會炒魷魚呀
薯仔:佢都唔志在啦,睇黎辭職信呢都打定o架啦,隨時跟寶意番美國!做咩呀?最後幻想都無埋呀!
junko:你講咩呀?
薯仔:咁係啊嗎,如果佢唔走,你咪有機會羅!
junko:唔好咁無聊啦!
薯仔:sorry,喂...係係...好呀!
junko:要唔要咖啡呀?
koko:呀,唔該!
junko:糖?
koko:自己黎!
junko:頭先呢聽薯仔講呢話你因為寶意呢禁停左班火車,好犀利呀!
koko:我都唔知點解自己真係禁停個製,好戇居!
junko:好感動至o岩!
koko:男人戇居,女人就感動o架啦!
junko:梗係唔係啦,如果佢戇居係因為緊張我既話,我一的都唔介意呀!
koko:咁如果係...個男仔為左想見多女仔多一陣,連份工都唔要,咁算唔算緊張定戇居呀?
junko:你唔好問我啦,我係個的呢,咩都唔理我咁先算個的人黎架,如果換轉係我,我會調番轉頭,我留低
,等你唔駛無左份工,不過我係個的衝動派黎架,或者寶意有佢自己諗法呢!
koko:咁你覺得呢,你覺得佢會點諗呀!
junko:或者佢會覺得無信心,你無左份工無安全感掛!
<<食野>>
koko:唔知為食算唔算係缺點呢?
寶意:咁我有咩缺點呀?
koko:唔~~~~
寶意:一定有架,但你都無講過!
koko:嘩,你問得咁難架?要夾硬搵o架喎
寶意:唔准呀,一定要有架,我講真o架,做咩又整豬嘴積,正經的啦
koko:我諗緊架,好正經架,諗緊
寶意:咩野呀?
koko:係最近情緒化左的o羅,係忽然間個隻o羅,本來無乜野既,不過我好似覺得你最近唔知諗咩咁!問你又
唔講,好似好多野收埋收埋咁,不過我諗呢個都唔算係缺點黎既,性格黎架都未定,話唔定可能你第時原來
鍾意!
寶意:嘻嘻~~~
koko:哈哈,咁我呢?大食,悶蛋,長氣呀?
寶意:係太掛住我!
<<<<第一節完>>>>
_________________
前面是絕路....希望在轉角~

縱使生命無常....願我們堅強面對~