記得有一次,去左百佳買公仔麵做晚餐,

排左好耐都未到我,

原來前面有對父子俾緊錢,我好記得,係$22.6,

個男人拿左d散銀出黎,數左好耐,又不斷問,真係$22.6?

咁貴架,佢數左好多次,最後先剛剛夠錢!

呢個時候,身邊既人都笑緊佢或者係表現出好不滿既眼神,

但我反而好心酸,好留意佢手上既錢,

我好想o係佢真係唔夠時,借俾佢,

我雖然窮,果時重失業,欠好多卡數,

重可能冇錢交果期學費,但至少我都重有$22.6,

試問有幾多人連公仔麵都冇錢買,

好想幫佢地,但自己都無能為力,

唔知咩時候先可以每個人都可以有餐飽飯食呢?

希望大家香港人,可以既互相幫忙

唔得既,都唔好冷言冷語

話唔定第日果個男人就係你!!