好掛住您~ 一個我曾經極度迷戀一半既一半...
無啦啦咁開始, 無啦啦咁起埋一齊, 無啦啦咁冇再搵... 無啦啦咁又再見返面..
無啦啦咁又再聯絡... 無啦啦咁又再起埋一齊...
無啦啦... 又消失左....

我同你, 從來都稱唔上有男女朋友既關係...
但係每次係你班朋友面前, 你偏偏要拖住我隻手...
大家從來冇要求過對方D乜野...
不過曾經, 大家都好在乎大家...
係我身邊, 冇人認識你... 所以從來都唔會有人係我耳邊提起你...
太耐冇見過你... 我甚至可以唔記得左你...

直至再係街上面遇到... 我先醒起...
係我生命裡面, 曾經有過你...

不過再見既果一刻, 大家身邊都已經有另一個...
我冇留意過你身邊果個女仔, 我所有既焦點都放晒係你身上...
你冇乜點變... 同以前都係差唔多...
唔知你有冇留意過我身邊既人...
亦都唔知... 你有冇覺得我有乜變左...

只係知道... 隔左差唔多年半之後再見返... 我同你... 都已經冇左果種衝動... 再走去對方面前交換聯絡電話...

或者... 再隔一排... 仍然冇人係我面前提起你... 而我又再冇機會見返你...
我又會... 好快咁唔記得你....

但畢竟... 你的確係我曾經迷戀一半既一半....