今次 "燒烤風箏同樂日" 係踏入二零零三年會所第一項活動。由當初預計二十人而最後變成四十人有多大會，首先要多謝友會 新臥虎藏龍在大埔 大力宣傳，先有最後呢個咁熱鬧場面，會長 真‧龍之軍師 亦係最後為大家帶來驚喜 ^_^。另外，亦多謝 索女samantha 係週六抽空當小弟盲公竹去準備燒烤食物及用品。而 OGAMI 親自由屯門帶來發泡膠箱，大家先可以享受到冰凍飲品。當然 破壞之王 攝影亦令呢次報告更豐富 (可惜攝影師未有上鏡)

出席名單

多謝各位參加 燒烤風箏同樂日 出席者名單如下 (依報名先後排列)﹕
H4_Salon，天下第一神劍~燕南天 + 一位朋友，細細mimi，OGAMI，索女samantha + 一位朋友，霍傑，呀d，田中雪，Mini，Hong8086 + 一位朋友，kennis惠喬，豆^_^，似兔仔既小詩詩，文爺，破壞之王 + 兩位朋友，Ruby，Annie，agnon_siu，裊藍，kinon_on，小可憐~，亮少^_^，鐵人28^^，ah勇，無人鬼，Vitasay，青蘿蔔，highman，肥輝，~斯楠~，本田車神，☆慕容九☆，破天無極 + 兩位朋友，littleling22，真．龍之軍師，細佬佬466 (合共 43人) 若朋友名字方便提供，請聯絡小弟代為更新。

燒烤樂

BBQ 好多人都去過，不過咁熱鬧場面就唔係時時有啦。除此之外，大家亦毫不吝嗇幫手去籌備，宣傳同埋大擦一餐^_^ 十二點正，大埔墟火車站大堂開始人流密集，一眾參加者亦開始出現，點名跟住大家就浩浩蕩蕩出發！由於有人自行駕車，所以一於兵分兩路﹕有直接往目的地霸爐，亦有前往商舖拿取食物，飲品及用具。到達大尾篤時由於近停車場一面燒烤場已經滿座，唯有向裏面另一個燒烤場進發，才發現風景更美，亦沒有白費腳骨力。大家小休一會又要開始活動啦 (因為要搬運的所有物資合共都超過一百磅呀)，有準備燒烤爐，有準備食物，亦有準備飲品者大家分工合作，好快就‧‧‧開餐囉！席上各位話提亦離不開一刻館，始終亦有好多朋友係新相識，亦有很多朋友問我那一個人是名單上那位呀？我亦有很多位朋友是第一次見面呀，一路食一路講之餘，我亦忙過不亦樂乎要向大家問句好嘛。有部份參加者選擇自行前往，所以燒烤場亦久不久出現一批又一批朋友前來令場面更加熱鬧起來。足足有四十三人呀！

風箏樂

咁話晒個活動叫燒烤風箏同樂日，有燒烤又點可以冇風箏呢。小弟一於走去買隻黎玩下先，個個仲問我識唔識放 (嘩！真係當我流？) 不過當日真係風和日麗，風柔到好難令風箏升空 (等我仲買成千米線，隻風箏又鬼咁大隻 >_<") 不過亦令大家係燒烤之餘多一樣活動。因為個個都試下去放嘛 ^_^，希望下次再有機會放風箏時會大風，容易升空先啦起碼。後來有朋友買來足毽，一樣步步高升。大家圍圈嬉戲一會，小弟亦一顯身手啦以為‧‧‧點知 ^_^" 但我依然都係個句，係因為少少酒精影咋！如果唔係‧‧‧嘿~ (依然死雞飯蓋) 又係日落西山時候，正以為所有活動要結束之時‧‧‧新臥虎藏龍在大埔 會長 真‧龍之軍師 大駕光臨！呵~

軍師現 風雲變

軍師兄帶來補給為大家再添能量(Gackt.C. 雖然冇到，亦做善長人翁，成抽啤酒飛埋黎，呵~)，令整個活動再推上另一個高！是關燒烤食物仍未食晒，大家又繼續努力！始終唔好浪費食物嘛，但唔知有冇人去完呢個活動之後要減肥呢？嘿~ 而離開大尾篤燒烤場時又有提議﹕食糖水 ^_^

號外 - 糖水篇

一行十數人分乘三部車前往大埔食糖水，席上又有兩位朋友 斯穎 及 傻豬尾 出現。閒談之餘頻頻有人大叫 "多謝軍師！！" 嘿~ 之後大夥兒都離開啦，亦真真正正盡興而歸~

活動檢討

呢次有相睇啦！ ^_^ 亦希望各位想將呢次活動相片同大家分享，與小弟聯絡。不過活動其間發現好多朋友都形成一個個小圈子，可能係人數多典型問題。有朋友提議玩集體遊戲，只可惜小弟對主持集體遊戲經驗不足。希望下次各方好友一同參與活動製作，而今後會所主題亦希望集中係活動製作，研究及討論。集各人所長，令以後活動更完善，更精彩！至於好多人都關心飛機友名單，雖然有人臨時不能出席，但大家都好有交帶，所以冇飛機友出現。
呵~

團體相 (右邊係攝影師 破壞之王)