蔡少芬陳法蓉百無禁忌
2月 3 星期一 03:00 更新

陳法蓉、蔡少芬經常各有各忙，兩位好朋友難得聚頭，總是雞啄唔斷，即使初三「赤口」相見，一樣百無禁忌，二人均同聲說：「朋友之間，嗌交唔一定係壞事，有時反而會增加了解，嗌交之嘛，唔使驚。」

蔡少芬「人肉地圖」

其實，縱使法蓉和少芬都不介意嗌交，但根本她們都不會嗌交，法蓉說：「我同少芬都有個共通點，就係唔計較，佢對朋友又好，好似上次我考電單車『肥佬』，佢都代我出頭，少芬最大優點就係『人肉地圖』，有乜路唔識問佢就得。」

法蓉還說：「不過佢都有缺點，就係大懵，嘻，其實我都係，尤其搵男朋友方面。」

首次見面已傾心事

法蓉還記得跟少芬第一次見面，少芬已跟她傾心底話：「佢好樂觀，心地又好，我好佩服佢。」而少芬也認為：「朋友唔使成日見，最緊要係雙方付出真誠。」

今年農曆新年，法蓉留在香港，而一直忙於拍《陀槍師姐Ⅳ》的少芬則趁有幾天假期，跟朋友飛去泰國，過一個熱辣辣的新年，難得可以放鬆一下，難怪少芬「得戚」說：「等我去泰國買好靚好靚手信返畀你。」少芬果然如法蓉所言，真的很愛錫朋友呢。
yahoo.com.hk