陳冠希扮Cool迷倒阿Sa
2月 26 星期三 03:00 更新

【東方日報專訊】前晚《千機變》花費六位數字，於商場外搭建嘉年華會靚景，聘用近百臨時演員，拍攝陳冠希（Edison）與蔡卓妍（阿Sa）拍拖戲，同場尚有鄭伊健及鍾欣桐（阿嬌），吸引不少途人圍觀。


被伊健取笑

陳冠希最後一日開工，心情大佳與阿Sa手拖手埋位，他扮殭屍王子冷酷的表情令阿Sa勁，難怪在旁的鄭伊健取笑阿Sa說：「佢都不知幾想導演唔好叫cut機呀。」面對伊健的戲言，阿Sa即反駁謂：「熟我朋友都知我唔一定要靚仔，揀男朋友最緊要幽默、有思想、多講同得我開心，如果要搵圈中代表話，應該係阿葛（葛民輝）囉。」

阿Sa與伊健私交甚篤，片場內女方向男方追討上契禮物，伊健則笑說：「我真係睇住佢（阿Sa）長大，由《我老婆唔夠秤》到而家，佢足足高兩吋，算大個女，不過如果佢係契妹，咁阿嬌就係表妹。」

埋怨難入戲

Edison與阿嬌被緋聞纏繞，片場內各據一方，未有交談，整晚阿嬌亦比較沉默，只間中與工作人員嬉笑。談到拍戲情況，Edison語帶不滿的說：「套戲開百幾日，我只係拍得二十幾組戲，除拍《願望樹》時自己比較新之外，呢部都算難入戲。」今年內Edison只打算接拍三部已訂下的片約，因不想出現濫拍的情形。
yahoo.com.hk