1. 當你知佢唔開心, 想關心佢, 或者想佢開心返, 要做得恰如其份. 要明白做得太多佢會覺得有壓逼感, 覺得抖唔到氣. 呢個時候你最好俾佢靜下. 到佢過左個低潮, 佢自然就會開心返, 根本唔洗你咁操心.
2. 令佢唔開心既事, 無論係邊個唔岩都好, 千其唔可以再提, 唔可以再問. 只有一個例外, 就係佢自己想講既時候.
3. 到佢肯自己講果陣你就要聽, 要表現出體諒同明白. 千其唔好句句姪住晒或者多多意見, 更加唔可以暗示或明示佢都可能有錯, 否則佢會話你針對佢, 唔明白佢, 更唔係一個好既聆聽者.
4. 當佢話"講你都唔明"既時候, 佢唔會再講野你聽, 亦唔會再聽你講野. 唯有轉下話題, 或者自己摺埋.
5. 當佢發脾氣, 唔好以為你可以做d咩或講d咩去潑熄佢d火, 唔係就連你都燒埋. 由得佢盡情發洩吧.
6. 當佢有問題, 主動同你傾既時候, 千其唔好以為佢想搵你解決件事. 佢有自己既諗法, 佢要既係你對佢既支持, 而唔係教佢點做. 你幫佢諗辦法, 佢只會覺得你係度扮大哥哥或者係教佢做人. 何苦呢?
7. 當佢否定某一件事, 對自己或某些人感到失望, 佢當時係絕對相信同堅持己見. 你可以鼓勵佢, 但要好小心好小心, 千其唔好俾佢感覺到你扮明白佢或者想改變佢, 否則後果自負.
8. 當佢講未來既計劃, 或者作出任何承諾既時候, 唔好完全當真, 唔好抱任何期望, 但無奈你又最好表現出你支持佢. "有效期限"大慨由幾十秒至幾星期不等, 若有幸可以維持幾個月, 只有兩個可能: 一, 太陽從此由西邊昇起; 二, 佢已經唔再係細路女了.
9. 當佢約你去玩, 你就咩都唔好諗, 全情投入去玩吧. 如果玩得開心盡情, 高興忘形, 佢會感激你俾左佢快樂既時光.
10. 當你俾佢當街打心口, 打頭, 踩腳, 甚至兜巴星, 你可以就住黎還拖, 但千其唔好嬲, 要訓練自己成為一個被虐狂.
11. 佢心直口快, 好多時會講一d令你好難堪或者難受既說話. 你唔需要太介意, 佢好快會唔記得自己講過d乜, 通常到第日或過幾日就冇事.
12. 如果你做佢男朋友, 或者鍾意佢, 就最好趁早收手, 唔係你就睇開d. 如果佢對你冇feel, 你為佢摘晒全世界既星星落黎都冇用. 如果有feel, 佢自然會好天真好樂觀咁同你講到好遠, 令你以為自己係世界上最幸福既人. 雖然當時佢可能係真心的, 但唔好忘記佢仲未定性, 唔該你唔好同佢一齊癲. 要學識拎得起放得抵, 盡量享受過程既甜蜜吧. 同自己講, 冇咩所謂結果. 拍三日? 三年? 結婚? 唔好傻啦, 結婚都唔代表永恆. 佢希望你尊重佢既自由, 卻會不公平地期望你能隨傳隨到. 佢同其他男仔影相, 去街, 唔好管佢, 唔好妒忌. 佢要既係不停尋找佢既意義, 其中既一個方法, 就係透過認識一d新既朋友和接觸一d新既事物, 而你, 只係一個中途站.