０１）我界手係想你留意我關心我發生左咩野事。

０２）我”哦”你係因為我好緊張你，著緊你身邊發生既事。

０３）我唔開心係擔心你係唔係已經唔再鐘意我。

０４）我想你call我　係因為我好掛住你。

０５）我喊係因為我覺得你對我唔同左

０６）朋友係我面前踩你，我會好唔開心，但係我唔會做出黎。

０７）我鐘意返學，因為可以多ｄ時間見到你。

０８）我唔mind你咩身型，高唔過我都唔係大問題，最緊要你愛我。

０９）我問長問短，係因為我想知你發生咩事，擔心你。

１０）我等你幾耐唔緊要．最緊要你肯俾時間同我傾計。

１１）我唔係成日都掛住你，但我無時無刻都諗緊同你有關既事同物。

１２）我唔鐘意你成日都同其他女仔玩太埋，因為我會唔抵得。

１３）我自私霸住你，係因為唔想其他女仔對你有野。

１４）我訓唔著因為我驚唔知你幾時會唔鐘意我。

１５）我聽歌都聽到喊，因為你對我淡左，我唔開心。

１６）你令我唔開心，心情好差，我都唔會發洩係你身上。

１７）我唔係唔擔心你，我係唔敢問你太多野，怕你覺得我煩，唔鐘意我。

１８）我唔會同男仔玩太顛，怕你以為我花心，發姣，唔專一。

１９）你話我肥同樣衰，我唔會嬲，因為證明你對我老實，而且仲唔mind我咩人，都鐘意我。

２０）我唔介意人地話我地咩野，最重要我可以同你一齊。

２１）我唔介意你話我樣衰，核突又口臭，但係我好介意你話我ｄ　ｆｄ好靚女。

２２）只耍你鐘意我，唔介意你話我咩野。

２３）我肯等你同我傾計，因為我珍惜同你傾計既每一分每一秒。

２４）我好介意你同女仔玩到好埋，最好就小ｄ同女仔玩，同樣，我都唔會同男仔玩太埋。

２５）你同我講"我愛你"，我"下"你，唔係聽唔到，係想你講多次我聽。

２６）你話要錫我個陣，我實會扮唔想，因為女仔唔可以咁隨便。

２７）真係想錫個陣，唔該你做主動。

２８）我就算覺得你已經唔愛我，我都唔會問你，怕你答你唔愛我啦。

２９）唔好問我有幾愛你，唔愛你都唔會同你係埋一齊。

３０）我會俾私人時間你，但係你既私人時間，唔代表唔駛理我。

３１）你要間唔中講下"我愛你"，唔係我會假設你已經唔再愛我。

３２）我發牌四，係想你理我，哄下我。

３３）我只係希望你記得我同你幾時一齊，生日個ｄ唔記得都唔重要。

３４）買野俾我唔係講金，只要你有心，唔買都唔係咩大問題。

３５）我想你係學校理下我，唔想成日都係電話到聽到你把聲就見唔到你個人。

３６）你約我去街，我唔係唔想出，係我屋企人唔想我出，話哂我係女仔，唔可以成日都出街，對唔住．其實我好
恨同你出街o架。

３７）我想你間唔中都話掛住我，就算唔係真心講既，我都會好開心。

３８）我想你講我愛你多過我鐘意你，因為你應該知道我愛你同我鐘意你係唔同意思。

３９）你唔鐘意我既野我會為你而改變，同樣，你都要為我改善一下你既行為，態度。

４０）我係你女朋友，唔係你隻狗，唔好開心個陣先搵我傾計，唔開心個陣就發洩係我身上。

４１）你係男仔打機打波好正常，但係女朋友都好重要，唔可以因為打機同打波而唔理我。

４２）見到你好似發生咩事，我其實係好擔心你，不過因為我ｄ朋友係到，我唔會ｓｈｏｗ出黎。

４３）我為你付出既野，為你做既野，唔駛你知，要你知既係我真係好愛你。

４４）答應左我要做既野，就要做，就算你做唔到，我都好欣賞你肯試。

４５）我同你講我同咩男仔玩，咩男仔鐘意我，係想你緊張一下我，想知你聽左會咩反應。

４６）其實，我好多野唔係唔知，唔識，只不過係我扮唔知，扮唔識．因為我想你教我，想你講我知。

４７）無論發生咩野唔開心既事，我最希望個一刻你會係我身邊。（希望咋，唔一定既，心入面有你咪得）

４８）我間唔中都會拎你同人比較，但係我唔會想你做到同人地一樣，因為我鐘意真正既你。

４９）我希望你至少知道我每一日發生左咩野大小事，開唔開心既事（姐係叫你多ｄ聽我講野）。

５０）我最希望緊係可以同你天長地久啦，我唔話你知上面個４９條，係因為......我唔想你知，驚你唔鐘意，但係你肯睇我都睇講更加多野你知。因為我真係好愛你，唔想失去你。