[麥旋風]

話說有一日有個呀伯想去麥當勞買新產品麥旋風,
呀伯就去排隊啦, 到佢個陣,
佢就同麥當勞位姐姐話想要個種食品,
點知呀伯諗極都諗唔起個種食品叫乜名, 最後佢終於記得,
佢就大大聲同麥當勞當當姐姐話:
唔該俾杯黑旋風丫!

[receipt簿]

中學時期攪的中學學會，學期初時要擺counter招收新會員，我call學
會的男主席：「唔該叫佢帶埋receipt簿來開檔丫！」
最後，佢氣沖沖走到counter，指住部call 機問我：「你做乜叫我帶埋『護舒寶』來開檔啊？？」

[24小時通關]

香港最近實施24小時通關, 大家可能係新聞聽過, 當時有個
過關的男人被訪問對24小時通關的意見, 佢話: "24小時通姦?
好呀!好呀! 唔使咁趕."
真係笑死我, 加句"唔使咁趕"就真係最抵死!!!

[條頸巾仲可以做乜]

話說有日佢同佢個亞姨去買野,佢亞姨睇中左條類似頸巾既物體,
跟住有個女人走過去同佢亞姨講: " 呢條唔只可以做頸巾,仲可以
用黎做衛生巾(圍身巾)"
此話一出,當堂搞到我個friend呆左,佢諗左好耐先領悟到呢句咁高深既說話

[電話投注]

o的大陸人打黎投注，講自己個account no.係「衣車鍊鍊樂」，
我一頭問號，問佢乜野鍊鍊樂呀？
佢就話「鍊呀，權圈呢，權圈，支唔支呀？」，
我都係唔係幾明，佢繼續講「拎呀，機蛋呀...」
原來佢係想講17006...唉 !!