上回講到阿政終於可以求返到阿琤同多佢一次……
到左聽日,我將呢件事話左俾我個friend知,係阿禧….我識佢其實係幾好笑架~~因為有一次阿禧係我另一個朋友阿恩個留言板留言,佢以為之前果個阿琤係我,所以佢就留言俾我,咁當然梗係誤會啦,但係就係因為呢個誤會而令到我同佢變左朋友,佢係我識左咁多個男仔入面最好既一個,因為佢無論幾時都可以陪我…我將我尋日同阿政既事講俾佢聽, 佢只係講左呢一句”希望你今日真係真係可以好順利咁啦~~”我知道佢唔係太想我同阿政一齊,因為驚我又俾阿政玩,但係…我依家知道既就係…我要相信自己,相信我係一定可以同阿政長長耐久久,我只係知道我要相信我自己…相信佢…相信大家..但係我知道我係唔可以話俾阿芝知,因為佢又會再次話我又會負出既俾”收入”少…..同埋佢一定會講我唔好咁信佢,我唔知道點解啦….但係我總係覺得佢梗係有0的野係唔可以俾我知….佢好似有的野隱瞞住我咁…同左阿禧傾左一陣,突然之間我部手機響,我一拎出黎原來係阿政打電話俾我呀~~突然之間,我又覺得我同佢既關係又近左啦….佢突然之間話佢想出黎同我食飯同埋有野送俾我…..所以我就叫阿禧走先,”係唔係阿政呀??” 阿禧問我,我只係好開心咁”唔”左一聲,”哦,咁我知道點做啦依家,即走,byebye….阿政黎到左啦~~佢拎左樣野出黎,”送俾你架,希望你會鐘意啦”果樣野竟然係……
第8集完…………下期續…