太陽星座"即係平時講開個種呢，大家最勁個種呢，最熟個種囉！即係以12個月去劃分既星座，你係邊日出世就邊個座個個座囉！有咩用呢呢個座，就係講一個人既表面性格啦，你平日既表現啦，第一下俾人既感覺啦，做野既方式啦，先天既個性咁囉，太陽星座支配左視力，背部，動脈同心臟呢幾個較為重要既身體部位既！佢係獅子座既守護星黎架！

月亮星座"好！其實，岩岩好，月亮同太陽就係岩岩相反既，月亮就係講我地內在既性格啦！當然重有啦，講你有冇吸引力啦，同女性既關係啦，你既母性啦，內在既潛能同特質咁既，呢個月亮真係勁，因為佢係影響我地影響得最深既一個星球囉！近地球呀嘛！同太陽星座有住最密設既關係架！所以，唔好以為唔重要呀！就算你既太陽星座幾好，如果月亮星座岩岩相反既話，你做出黎既野，俾人既感覺都好唔同架，大家要多多留意呀！月亮掌管一切感官：味覺、聽覺、視覺、觸覺、嗅覺等等，係咪勁野呢，佢守護緊既係巨蟹座！

水星星座"水星係主管人既思考能力，思考模式，智能，記憶力，心智及語言表達能力既！！！好醒架！佢係主管人體既神經系統，手部、背部和手既，同時呢，佢都係雙子座同處女座既守護星，所以呢呢兩個座既人唔多唔少都擁有上述所講既野架！勁野

金星星座"大家都會好鐘意呢個星座架！因為佢係代表愛情同金錢~你既愛情運同愛情觀，理財觀~強呢~重有，睇埋你既社交圈子會點~受唔受歡迎架~~同異性既關係，多唔多人溝，睇你受唔受就係呢粒星影響，玩晒架啦！好多時，一個人唔靚，不過佢金星星位好，就會有好大既魅力！好吸引架，金星星位好，會帶俾你好運添架！佢就係金牛同天秤既守護星~

火星星座"聽到個名就知爆勁啦，因為佢係代表體格同能力架嘛！佢支配人體既頭部和臉部，同埋一般肌肉組織，重特別強調了性器官既，膽色同時係火星既星位影響下出現既！脾氣爆唔爆火都好睇呢個星架，佢係守護白羊座既

木星星座"呢個星係講呢世人幸運既來源，來源既模式，呢粒可以講係Lucky Star，人體身上受到木星支配既器官有肝臟、靜 脈、血 液，以及內 臟組織咁既，如果木星既星位好既話，會係你有難關既時候幫你過渡架，佢既星座係人馬

土星星座"土星岩岩同木星相反，佢係講厄運既來源同來源模式既，一個人一世有幾多困境都係睇佢架啦，好多時唔開心既野都係因佢個星位唔好而產生既，感冒同牙齒上的病痛都係由呢個星黎既，佢守護既就係山羊座啦

由於天海冥三個星球離地球太遠啦，所以對我地既影響都好少既

天王"係講個人緣同表達能力既，守護水瓶座
海王"係講個人魅力既，守護雙魚架！
冥王"係講社會適應能力既，守護既係天蠍

而家有一個叫上昇星座，即係你出世時後，太陽係水平線升起既位置，佢係影響你後天環境以及個人所形成既性格，所以呢個座係好重要架

My星座

太陽星座==天蠍
月亮星座==天秤
水星星座==天秤
金星星座==天秤
金星星座==白羊
木星星座==雙子
土星星座==人馬
天王星座==人馬
海王星座==山羊
冥王星座==天蠍
上星星座==白羊