頭先我同佢一分開就忍唔住喊左出黎，我仲喊到好大聲，有好多人望住我‧我冇理到其他人，不停咁喊....
D眼淚完全唔受控制..好辛苦.我知道愛一個人本來係好幸福，但係愛一個唔愛自己既人就一定好辛苦！！
佢有咩事有咩問題我都會盡力幫佢解決，佢冇錢食飯我可以請佢，佢冇背心我可以買比佢‧但係佢個個問題我真係唔知點幫佢解決！！
佢個個問題令到我好辛苦，有個女仔突然之間媾佢，我本來係應該佢"鄧"佢開心，我一直都希望佢可以快D有女朋友，但係原來我一D都唔想！！佢問我點好，我心裡面就當然係叫你唔好受啦！但係我知佢一直都好想有個女朋友，我唔可以因為自己鍾意佢，而叫佢唔好受，我唔敢幫佢做任何決定，我只可以幫佢分析問題，我一路分析，個心一直痛..心裡面不斷咁鬧自己，問自己，點解要做D咁傻既野，叫佢唔好受咪得囉，咁佢咪唔會有女朋友囉，眼白白送自己鍾意既人比第二個女仔，我知我係好傻，但係我都係想見到佢開心嘟，我有錯咩？佢有左女朋友一定會開心，我知佢有左女朋友之後，我同佢見面既機會一定會小好多，甚至冇得見，我同佢而家一個星期會見4次面，但當佢有左女朋友之後，我會自動消失，女仔既妒忌心係好強，我唔想佢女朋友誤會，我更加唔想佢女朋友認為我同佢有野，而鬧分手，我唔想佢唔開心，我會退出！！
一個人唔開心，好過兩個人唔開心，尤其是個個人係佢，只要佢開心就足夠！！