從前我覺得自己對眼好叻,睇0既0野比任何一個人都清楚,望得比任何人都遠,就算要我0係好黑0既地方搵一支針,望一塊離我好遠0既路牌,都難我唔到,我好相信我對眼睇到0既野,冇野可以瞞得過我對眼,經常話比自己知我叻過任何人,漸漸我發覺事實根本唔係我諗0既咁,呢0的只係我自己呃自己0既一0的小把戲,因為我驚輸,我唔想比人睇小,唔敢接受事實,而作出黎加強自己信心0既玩意,隨住時間一日一日長大,我要話比自己知,我唔再需要呢0的大話0既人生,我開始去接受事實,但係好景不常,今日事實話左比我知我真係接受唔到呢個事實,0係呢一刻,我面對住佢,佢靠得好近,但係我感覺到佢係好遠,無論我伸直雙手,點樣去捉都捉唔到,佢開始離我越來越遠,好遠好遠,以前我曾經非常信任0既一對眼,望向佢現在0既面容,亦都慢慢變得蕪湖,濛濛瀧瀧,一切一切都已經望唔清,眼前所見到0既只有一粒一粒0既水珠,一行又一行0既淚水,慢慢咁沾濕衣衫.