原來搵到一個自己鍾意既人你好難架..
搵一個鍾意自己既人原來更加難呀..
唔係你鍾意人地..人地就會同樣鍾意你架..
原來可以同到自己最愛既人一齊生活唔係一件易事黎架..
可能成世人到最後都未搵到..
唔係個個都咁幸福可以同到最愛既人到老架..
有時有d人搵到自己最愛既人又唔識珍惜..
有d人重會唔去爭取自己最愛既人..
明1有機會放係自己面前..
都未必有膽同咁好彩識得去珍惜..
我自己個人覺得幸福要自己爭取架..
鍾意既野應該講出黎..
俾對方知道..起碼佢知道先啦..
唔好理得唔得..唔試過又點知唔得呢..
冇野係絕對架..
愛情呢樣野個個人都係博架啦..個個人都唔會知將來係點..
大家會唔會唔夾呢d野...冇人會人知..
一定係要你自己試過先知架..
如果你係唔去博..根本就唔會搵到自己既幸福架..
因為你驚..你驚失敗..
驚俾人拒絕..
但你唔試又點會知最後既結果呢..
我覺得俾人拒絕唔係一件好慘既事..
你只不過係試過而唔得姐..
最慘既事係你連試都唔去試..到頭來你想試個時..可能對方已經變左啦..
你錯失左一個好好既機會啦..
時間唔會俾機會你去再黎過..係唔可以俾你去番個時個一刻..

我覺得做人最開心既事係你諗番過去..冇野值得你去後悔..
咁樣先係最開心..試過一次唔得..唔好放棄呀..只要你知道你真係鍾意個個人..
你就唔會放棄..會繼續為佢做好多傻事..去令佢感動..
我相信你唔放棄..始終有一日你鍾意既人一定會感受到..
鍾意一個人真係一件好開心又幸福既事黎架..
你望住個時你會自己傻笑..
當你見唔到佢個時會好掛住佢..
你會唔計較所以野為佢付出..

當我諗起佢個時我個心都會因為佢而笑..好甜好甜咁笑..佢開心你會同佢一樣好開心..
佢唔開心你會比佢更加唔開心..成個人既情緒會因為佢而變..
但原來鍾意你係一件好開心既事..掛住你係我每一日一定做既事..
唔知你會唔會同我一樣呢...
如果個個人都可以同到自己鍾意既人一齊..
你話幾好呢..