2003年06月09日
<<<6月9日>>> 星期一
擒晚...
擒晚上黎寫完日記, 同糟糟icq講下蛇蛇
開始好眼訓,但玩玩下又唔想訓
不過諗起明天返去上堂...
唔訓唔得啵!
關電腦啦...
訓覺...
但一訓落床...
就諗到自己頭先寫既唔開心野
覺得自己好慘咁
係咁流眼淚...
唔定咁流出黎
我估都有3個字...
叫自己唔好唔開心, 我唔開心都冇用
佢要搵我,佢會搵
佢唔搵我, 我都冇辦法,亦做唔到d咩
諗諗諗...
迷迷糊糊咁訓著左...
今日起身...
眼腫了少許...
擒日我遲到了
今天早到了3個字
到力其遲到啵...
擒晚icq同同童講一齊食早餐
唔俾力其知, 睇下佢會點....
嗚...
唔好玩既...
力其見到童工冇反應既 :<
唔通佢真係信我搭車撞到童工? kaka
今早又食個最平,最飽的早餐...
$13
力其見到我, 又話我隻眼做乜腫左
俾人打黎?
我咪又講笑咁講, 夜晚訓覺俾喵喵踩親囉
唔係可以點?
我擒日...試下同力其講我唔開心既野
就係搵唔到水人
力其聽左就算了
冇講咩野, 冇俾咩意見
我覺得... 唔同得力其傾我唔開心既事咁
佢係有睇我日記, 得個睇字, 睇完就算?
我覺得關心, 係需要俾時間同思考
幫助一起諗辦法解決問題...
唉...
有時返工我都會串下力其
童工都會細細聲問我, 你唔係力其個fr黎架咩?
佢俾人串緊你仲串埋佢一份
我係佢好朋友,但我對事不對人啵
我好多野都可以分得好開咁睇
唔似d人... d野成日攪到唔清唔楚
同朋友關係啦,工作上啦
我成日都諗...上作上是好伙伴
但現實中不能做到好朋友
又好似我同力其咁
我同佢現實中做好朋友, ok啦
但工作上就... 唉...
跟住講返 返公司上堂...
我小...
教埋d十世唔用一次的英文
講下d咩做/ 唔好做既事
有腦都諗到啦, 洗唔洗教多次呀
跟住又講下d無聊野
憎泥今日都有返, 係咁追住力其黎話咁
都痴痴地, 力其都唔係你個boy,佢失憶定
係咁暗鬧力其發洩
過左去咪算...仲成日提黎做乜?
不過我現在再諗...
力其又真係成日失憶...
教左佢,提過好多次既野佢都唔做
冇計...佢覺得冇用唔鍾意記,
你點迫佢都唔會記架啦
跟住吧桶有問力其仲有冇俾野咬
力其話冇
跟住我又諗起大咀定阿威講既笑話
話力其隻腳攪到好似俾狗咬咁
吧桶即問, 你話緊我呀?
攪到我好似串佢係狗咁... 死...
跟住我又順便講下我既不滿
放完假返黎咩都冇晒
吧桶都即時話唔好唔開心
佢都明,擒日執好晒d野
第日放完假返黎咩都冇晒
佢會諗諗呢個問題...
都唔知係咪既...
聽住先...
始終...
我都係對呢份工一d好感都冇
上完堂, 差唔多一點
童工今日上去簽新約喎??
咩講明放病假不夠4天冇人工?!
又改返做新城市管理...
都唔知想點...
上完堂, 跟力其, 童工去食大家樂
個阿姐好好喎, 我冇問佢拿水
佢主動俾左杯水我?
今日食個飯幾好味...
咩俄國牛柳飯...$19
食完飯去左唱k
諗住呃佢唔俾佢知我地4個人玩, 俾3個人錢架嘛
點知玩到一半俾人發現左...
噢...
今日第一次去加州紅唱k
之前未去過~
我又好少去唱k...
去到要研究下個搖控點用...
力其唔教人既 :<
今日有力其大佬, 童工, 力其同我4個人唱
每人玩左$56
今日唱k 的花生好好食喎
我食左勁多
之前又買左包伊麵食
食完飯,之後食左好多零食...
唱k... 唔係咁開心咋啵...?
唔知點解啊... 覺得悶親力其大佬咁
童工唱歌好好笑...可能我唱得仲好笑~kaka
今日唱到首 無得比 , 係paul唱的
好好聽...
在好耐之前聽過之後就成日都聽既歌
覺得好好聽好鍾意...
唔知幾時我可以搵到有得唱
我知道你的秘密
呢兩首歌我聽左好幾年都覺得好好聽
玩玩玩, 食食食...
唔開心...
唱完k, 同力其買vcd
搵唔到我想買黎送俾水人那套
唔通未出vcd??
之後本黎都諗住陪力其大佬去無印睇野
但行行下...覺得好唔開心
又諗...
5點幾了, 水人會唔會搵我
我都想去睇下野
但又驚水人打黎我家,搵唔到我點算?
都係返家, 好唔開心咁分開左...
搭車返家啦...
一返到家, 睇下電話
意...
水人打過黎啵?
15min 之咋啵!
打返俾佢...
搵到佢了...
我頭先搭車車仲諗
佢今日又唔搵我,咁點好 :<
我點先可以搵到佢, 知佢做緊乜
搵到佢...我覺得好開心... 但又幾嬲佢
2日冇搵我, 我又搵唔到佢
傾傾傾...佢話前日4隻腳拿返三千幾
但其它野度衰左...
佢今個月份糧要俾左果度
4隻腳拿到的又俾埋落去
最遲星期五佢點都會還返d錢俾我媽媽先
唉... 我又諗起...
借既時候同媽媽好肯定咁講,
最遲5號會還返d俾佢先
但現在...由5號變做9號, 今日由9號變做13號
媽媽冇問我, 但我個心就係覺得好唔舒服咁
又好驚媽媽會嬲,對我冇晒信心
返到家佢唔知去左邊
水人又話最遲月尾會同我一齊住...
em...希望啦...
我對佢搵$ 能力, 唔會懷疑
雖然到現在,我未見過佢講佢搵到既$
但我都係仲信佢...
講電話又提到...我呢幾日唔開心係因為搵唔到佢
我真係只因為搵唔到佢而唔開心
唔會因為佢癭還錢俾我而唔開心
我唔驚...
大不了破產, 債務重組
唔洗死既
只係無晒面同自尊即
我做左咁耐服務業, 自尊係咩? 我都唔係咁識
唉...呢幾日唔開心, 食左咁多野
但我今早上磅磅, 冇反彈到喎!
都係在那3個數內沒上落
都幾好丫... 定左
即係我真係減到磅
開心返...繼續努力減肥...
飲多d茶同做多d運動...
水人會覺得, 自己鍾意既人多人追先好
代表佢有眼光
但我就唔太認同...
咁我咁樣衰, 又肥
冇人追我的, 咁佢咪會有一日因為咁而
唔鍾意我, 飛起我囉?
同佢初初見, 一起相處了幾小時就話鍾意我
我有時都會覺得...
果一刻你話鍾意我, 隔幾日你又會唔會話鍾意第二個呢?
我都會有d驚...雖然我現在都覺得佢可以好似我咁專一
但佢...都會玩的...
只係冇玩到重點...
em... 又係觀念不同啦...
但點都好...
我現在覺得...好開心...
因為佢今日答應我
唔會再當左部電話
唔會再搵唔到佢
同佢話明早會黎搵我
12點前啦...
睇下佢聽日做唔做到佢自己既誠若
仲有佢話今晚夜d會call我...
我預佢唔搵我會好d :<
噢... 飲d茶, 打機/ 整車仔 / 做下運動先
香甜的糖糖人 只跟部份人分享這資訊。
於03年6月發佈
Goodnight Moon - Shivaree (04年7月)
其他