2003年06月13日
<<<6月13日>>> 星期五
水人...
擒晚8點幾9點就去訓...
訓左一陣, 我阿媽又開始佢既電話時間
一邊訓, 一邊諗水人會唔會打黎搵我?
打左黎又搵唔到我點算?
諗諗下就訓著左...
訓到12點多醒左...
去個廁所...睇下個電話
水人冇打過黎...
好..失望... 再訓...
不停咁諗返擒晚自己諗既野...
佢當我係乜野?
心諗慘左咁耐...終於搵到一個可以信賴既人
點知...
原來係上天覺得我仲未夠慘
所以俾我識到佢, 全情信任佢...
我諗...
我只會俾多2日佢...
15號之前佢再唔搵我
我晚上會做多一份工
唔肯定自己仲有冇條件去做呢份工
希望...希望我在那份工可以搵返多少
過到黎緊下個月就夠了
好耐冇計過數...
終於又要再面對下個月既壓力...
下個月要供多兩條...
安信...1577
aeon...1033
邦民...1900
ua...945
信用咭...800
就算下個月唔俾屋企, 起碼都要搵到6255
下個月人工我估得3500
要果冇扣強即金, 都得4000
仲要搵多2255
400搭車返工
到底我得十幾日時間,搵唔搵到咁多錢返黎?
我仲諗緊水人講過以前的事
佢以前都試過欠人好多錢
收數佬上晒佢屋企,佢ex太驚
去左做其它搵錢野
點解佢個ex咁唔信任佢?
我聽到這年事,我唔明,點解佢ex唔等佢
唔信佢會還返d錢,要自己出去諗辦法搵$
但現在...我完全明白...
好似今個月頭咁...
本黎講好左最遲5號還,佢話出左意外
再推到13號實還
到今天, 13號了...
我下午打俾佢, 佢冇聽電話
放工再打,關埋機
擒日, 前幾天,我都是差唔多時間打俾佢,
佢都會等我電話, 會接我電話
今天, 不聽我電話...
我覺得, 我要搵的人搵不到
再加上他答應過我的事, 一天推一天
叫我仲點信佢?
決定...
俾多兩日佢
16號返工前再搵唔到佢
我16號放工就會去睇下仲可唔可以做返以前份工
我冇辦法...
我冇得選擇...
唯一出路, 我只諗到這個方法
今日放工同力其去左食野
我諗,暫時係我最我一次同力其放工食野既日子
所以我食得好慢...
一陣會寫個e喵俾水人, 通知聲佢...
有錢, 冇錢都好, 我要搵到你
我做左呢個決定, 到時唔好埋怨我d咩
又或者...
我以後都再搵唔到佢
佢亦唔會再搵我
頭先睇左少少萬渣燈火...
睇到那個老餅...會為左佢女人以前的事而報仇
我諗...咁多人欠我既野,
我一世都報唔到仇
我冇咩勢力, 又識得唔多人
錢又有排還
呢個世界咩都講錢
我幾時先會搵到我既第一桶金...
我又諗...
今次水人真係唔再搵我的話
我以後都唔會再相信任何人
頭先返家等時
見到窗度有隻蝴蝶
前幾日睇既節目都有提到
昆蟲類出生到死都是工作
好似蜜蜂咁, 一出生就不停採蜜
每隻蜜蜂只有四十多天的生命
完成佢既任務都會死去
人就不同, 是高等動物
可以選擇自己的工作,前途
但我覺得...我可以好似昆蟲咁做夠就死
好過現在咁...
我都唔知我仲生存係呢個世界做乜
為左俾人呃而活?
為左還債而工作?
我到底為左咩而生存...
上班的事...
今日開18+起裝修房
可能擒日夠訓, 今日做得好快
2點零鐘就做左17間occ
第一個上去開始起房
呀...原來吉啼係姓溶...不是勾
我成日記錯...
我上左去一陣, 吉啼溶就出現左...
車...仲諗住快過佢上去先咁開心架嘛
原來快佢少少咋...
起房...
剛剛抹完牆紙, 童工就上左黎幫手
跟住就call落去做房
做完再幫童工做間occ房
半個鐘至九個字上返去
童工起得七七八八
又跟下其他野...
差唔多五點
大李上左去check我,童工同力其的occ房
我今日衰左...
我呢兩日都好乖
抹埋廚櫃頂, 但冇抹雪櫃頂...
做得唔夠好添...
力其就慘d...佢剛剛放完幾日假返黎
就俾大李捉
話佢呢樣唔好, 果樣唔好
唉...力其...點講呢...
我覺得佢現在仲好似初初入去做的我
只係差在冇人教佢
同佢自己唔爭氣
又或者...好多野係之前人地鬧過佢
話過佢, 叫佢留意的事
佢覺得冇用? 定點...
我唔識講...只覺得佢冇俾個心出黎做呢份工
所以做得咁差掛
但我覺得佢都仲細,慢慢會學識點樣拿個心出黎工作
點先至做得叫 好
不過佢俾人話完, 佢冇發問...
好似話佢有d野洗得唔夠干淨
我都唔明...你洗時會feel到有d野唔對路
冇啦啦凸左d野出黎架嘛...
唉...又要驚會冇左份工, 但又唔做返好d
叫人點幫你講說話, 點信你會改...
佢洗得唔好, 我教緊佢點洗會好D
佢係咁2聽下就算,我覺得佢都冇心學咁
我講得好清楚?
唔係丫...我都未講完佢話話明, 得...
到時做得唔好又話人冇教過佢
要做一個好既聆聽者, 唔易的
但我好似冇教過力其呢樣野...
算啦...真係想改, 想知
佢會自己問我
今日放工前同童工傾左一陣計...
知左D野咁啦...唔...
唔緊要...人地點睇我, 我唔會理
我每份工都有大把敵人
因為我太計較
呢個係我性格
今日同童工同一個班地理...
好開心喎...
童工幫我做左好多野...
同佢有商有量
去計劃今天工作流程表
雖然今日放工係遲左DD
有少計出入
但見到憎泥咁多野未做晒
都覺得...幾慘
CHECK房CHECK得唔好又俾人話
CHECK得好又唔夠時間CHECK
唔CHECK晒D房, 又驚踩野
其實今日在掃把方面諗, 體諒佢地
佢地仲慘過我地多多聲
今日5點8,9收匙,收工
1415轉左房?
童工欠一間, 係倫欠三間
童工都係有交帶, 收工前同憎泥講聲
剛剛有房,要童工做
憎泥同寫字樓交涉中時,放晒佢地收工
我剛剛落去俾完野糟糟上黎見到...
如果係我...我會等同寫字樓傾掂數先放人
傾緊時放晒佢地走...
之後...
寫字樓先通知入DM房
同埋那間1415要欠房的人做
童工一心諗住收工, 除緊衫, 平平要童工上返去做那房
本應是係倫做的
跟住見到童工著返衫上左去
我覺得...
好唔開心...
點解反映左都係咁?
如果我係童工, 我會覺得好嬲
好嬲...
但我唔係童工,我都覺得好嬲
對呢間公司好失望
我好想上去幫童工手做那間房
但我放工前打不到電話搵到水人
我心情差到極...
好唔開心...
個心好亂, 又好累...好累了...
跟住好唔開心咁鬧係倫叫佢上去幫手
講真, 我同佢一樣地位, 都係BOY仔
我憑咩點人上去做野...
但佢俾我咁鬧...
如果我係佢, 我都會有d內疚死死氣咁上去幫手
我覺得今次呢件事自己做得好錯...
希望下次唔好再發生...
我諗我是拿了係倫來出氣, 發洩了
搵唔到水人,童工又俾人點返上去做房
唉...
開始情緒波動得太緊要
我可能就快會變成痴線
見人就鬧...
近日壓力太多
自己俾自己的
同媽媽借錢時答應左佢最遲5號還
媽媽冇問我, 冇追我條數點
但日子一天一天過
水人本黎答應9號...再推到13號
好彩地...我5號那天冇同媽媽講13號一定還
唔係我都唔知點面對佢...
可能佢暫時唔記得左呢件事
當然, 佢唔提唔代表我過到我自己
心情好煩, 好亂
對公司一次又一次咁失望
對水人都係
我未試過好似現在咁唔開心
一日會食咁多煙
食到開始喉嚨好干,好唔舒服
我只係覺得...
好想死
但我唔死得住...
一日未還晒d錢俾朋友,一日都唔死得住
我太多金錢壓力...
9點半了...
又去訓...
香甜的糖糖人 只跟部份人分享這資訊。
於03年6月發佈
Goodnight Moon - Shivaree (04年7月)
其他