2003年06月14日
<<<6月14日>>> 星期六
擒晚...諗左好耐
點先可以搵到水人
去九龍灣/ 全觀塘投注站搵佢?
去富豪花園問食蕉? 等佢?
試下打去佢做野度...
下? 九龍灣冇寫字樓??
咁...即係佢一路都講緊大話呃緊我?
識到我就係為左呃我二萬幾蚊?
如果佢真係存心呃人為生...
一個月呃五個都夠佢有排玩...
今日返工, 不停咁諗點算好
真係做返以前份工? 又未必搵得到咁多
不停咁諗返第一次見佢講過既說話
不停咁諗返我地幾次見面時佢講過既野
眼淚直流...
我仲記得佢講過
我唔係好人, 但我唔會害人, 何況係你
我在外面做咩都好,我好肯定我唔會傷害你
我亦好後悔...擒日佢電話仲會響時
點解我唔問力其/童工借電話打到佢聽為止
今日拿了媽媽手提, 由早上起身, 返工每個鐘都打俾水人
但佢都係冇開電話
呢幾日返家睇來電, 佢都係冇打過黎
到底咩事...
就當佢真係冇呃我
係咪出左咩意外?
但有咩意外都好...除非係好嚴重
如果唔係,我唔信佢打唔到一個電話通知我
今日成日都唔開心, 係咁打俾佢
打左成日佢都係冇開電話
返工又好多野唔開心
個人一煩,就睇咩都唔順眼
睇咩都唔滿意
我今日又失控了...
有時我會諗...
水人係咪有第個人
玩夠了我就唔再搵我
明天就是最後限期
我要想盡所有辦法去搵水人
搵唔到...我會照返我計劃實行...
我唔想唔知點算, 唔知點好
明天...最後希望...
打俾佢之前用朋友電話打給我的號碼
本來今天都可以試...
但SUNDAY CS 都唔知點做野...
俾錯左我...唉...
好唔開心...
今日知道左某人唔做...
我估...除左大李, 得我知
我講左俾力其知, 唔知力其忍唔忍到口...
我今日都有諗...
我全職做返我以前份工佢實俾我返去做
放工去做就難少少...
返既鐘數唔夠,會俾人鬧...
今日都諗緊...全職返去做? 要金錢?
定在這做住先,辛苦D, 訓少D, 但我有事業
要金錢定事業?
今日成日不停咁諗野, 做野...
個人真係煩到不得了
好易就嬲...
同埋,都係好後悔擒日冇把握中午仲打到俾佢既機會...
我只想問清楚, 知清楚即...
上班的事...
今日大李開會, 話以後開十七
叫我地做返好DD房
好丫...我覺得幾好...
因唔洗自己睇B那邊係咪都要去第度補房
今日鼻屎警告我地要做返好D房
唔係以後都唔洗你再做
我今日已做得好好了
抹完會用手CHECK返自己做得夠唔夠好
做到最完美先走...
但有一間鼻屎話唔滿意,摸落都係有塵要再抹過喎...
其它兩間是力其做的, 我去跟返時...
哇...真係抹左同冇抹冇分別咁
做D唔做D, 不如唔好做
今日開十六, 起房
拍住力其起房
我做到差唔多三點先收車, 仲有一間OCC房
早知我就唔掉間07俾佢,由力其等33反牌做
我上去全力起房先...
做晒房, 上去起房,得我一個拉車去起房?
吉啼溶只帶塵機上去起房
第二個係我
又係我抹完牆紙, 力其就上了來
跟住我有房做...落返去
同擒日差唔多既?
落去做房,一落到去要先開門俾工程部整左野先
20同03
開完做房, 做做下床又要開多次20度門
再做做下床到開03門
又做做下吧桶上左黎CHECK我OCC房
要我即刻過去睇返有咩做得唔好
終於做晒房, 發現33間房個電話痴痴地
吸完地,整電話, 整完又CALL我, 煩到爆
剛剛整完個電話又唔用得? 咩事...
見到電話唔用得要開第間房覆CALL
終於攪掂晒D野...
落左去拿左TV CARD 先, 吉啼又叫我幫佢拿D野去電話房, 鬼死咁遠...
又上返去起房...
上上落落差唔多成個鐘先上返去
剛剛見到吹蕭拿在我架車拿床單用?
我實鬧佢架, 你話你有拉車去起房
D床單幾張都有問題在我車拿我就冇所謂即
你現在是老憑咁,邊個拉車上去就唔好彩
D人係咁拿野, 搵野,拿錯野又亂放返落架車度
攪到我架車亂到九彩
我最憎D野亂...
跟住糖糖又走去我架車度搵野
我咪問佢, 你黎起房唔洗帶車, 起咩房?!
你覺得在我車拿野好正常?
佢好似平時既佢咁話 係呀
我嬲到爆...
再睇下起房起成點?
力其只起了吧房和掛緊窗簾?
下...唔那係呀...
點解...咁慢架...
我晒失控...係咁鬧...
有咁大聲講咁大聲
再整埋張床, 剛剛整完床, 又CALL?!
跟住力其吸地, 塵機唔見左?!
點解...點解會咩都唔知,俾人拿了都唔知?
我一唔係度都咩都唔知, 唔見晒
力其見到我咁惡, 佢個樣好似好驚?
定覺得我都係痴線的?
我真係太計較?
好多野, 好多人都覺得冇所謂
但我唔係一個正常人?
我覺得有所謂喎
佢唔帶,我點解要俾佢?
佢拿完我D野, 佢會幫我執返車呀?
佢用我部塵機, 佢會幫我倒返呀?!
我就係咁計較的人
我係咩都鍾意計...
我亦會計, 你俾過D咩我
我做得到的我一定會雙倍還返俾你
今次接CALL, 落去攪35個TV,
又換D碟俾佢, 跟住送洗衣
再上返去, D人已經走晒...
得返力其...童工幫我地手...
起完房...
落返理地理...我一見架車就嬲到爆...
落垃圾先...落完返黎...
童工幫我執左架車?!
都唔關你事...做咩要幫我執車?
做乜要對我咁好? 我都唔知幾時先還得返俾你...
我做野又慢...都唔知幾時先報答返你...
你又幫我咁多錢, 又唔知幾時先還返晒...
我現在連最低基本還錢都未掂...
又唔知幾時先出返八千蚊糧...
唉...
力其6點仲要做兩間長客走房...仆街
鼻屎叫我上去幫手收野
收完D野...哇...好多油...
拿晒落去6樓再洗多次...
心諗...我放假時,其他人好似力其咁洗就話OK
咁個櫃入面D野咪... 仆街...
快D同憎泥講先得...
洗左, 擦左好耐...
先叫過得去...
執下個櫃, 佢地都攪掂晒落黎了
差唔多7點先收工
放工同大頭, 力其去食m記
肥死...
我仲要努力減肥...
明天再開始...
我要再瘦...
今日真係好唔開心,
搵唔到水人
返工見到d同事又好失望,好唔開心
今日執到beer同威屎己
我未試過飲威屎己...
唔知會點...
聽日返工, 唔試...
會頭疼的
今日放工時,聽到大頭講既野
覺得...大頭都唔會係一個普通人
佢會好快就有佢既事業
佢睇野都係會比較長遠d, 諗得多d
咁先係一個叻人
返到家...
yiu有打黎
話咩同佢一齊就7月3號上樓同佢一齊住?
等佢8月親戚就會還返晒d錢俾佢, 佢就會還俾我??
聽住先...
7月3俾我睇到樓先算...
跟住今日諗到冇辦法...
打左俾dennis
佢11點半打返俾我
叫我出去陪佢? 痴...
我聽日唔洗返工就得...
跟住又問我仲係咪佢gf...
我都唔知點答好...我又唔鍾意呃人
感情? 我覺得冇咩囉...
佢對我又唔好...
跟住佢話佢後日會返上大陸
試下博唔博到筆喎...
試下攪外圍那d...另外就要避佢親戚追佢還$
em...
希望佢搵到,不過佢話搵到2個,俾半個我
我車...
但都好過冇
跟住佢話叫我試下搵人放左佢條龍...
2-3個應該唔難...
明天先睇下d魚網頁...
佢條龍真係幾靚...
一呎多
dennis話明天再覆我跑到幾多
佢本黎想俾大陸手電我
但冇俾...
可能驚左我...
佢係咁問我水人同我咩關係
我呃佢...
唔係點?
諗...煩...
今日...
如果水人真係因冇$而唔搵我既...
佢今日又搵唔到, 聽日搵唔到
都唔知佢幾時先搵到
唉...
等...
只有明天主動搵水人...
再搵唔到佢...
冇計...
做囉...
死死氣返去問下佢地仲俾唔俾我返去做
or 在第間做...
好夜了...
好唔開心.
到底水人去左邊... :<
香甜的糖糖人 只跟部份人分享這資訊。
於03年6月發佈
Goodnight Moon - Shivaree (04年7月)
其他