呢個是一個真實的愛的宣言, 希望大家俾少少耐性, 睇下篇故事, 留低少少意見, 或支持下呢個男仔 thx!

　　故事發生於03年春天, 男主角呀 Nic(榮榮) 係做野既地方認識到女主角 Carmen(車人)。 初相識不久, 因為大家幾0岩傾幾夾, 而且大家原來係讀埋同一間大學, 好快大家就走埋一齊, 成為一對熱戀既情侣。本來一切都好好地, 但好可惜, 到了03年夏天, 車人因為唔再相信榮榮, 提出了分手, 都係因為一個"誤會"開始......

事件原因係因為, 榮榮係一個幾重感情既人, 係好耐之前因為應承左同佢以前既女朋友出街, 係未識車人之前已經應承左, 所以係無辦法低下同一次前女友出街, 但呢件事就咁0岩俾車人知道左, 當時榮榮又無好好地咁同車人講清楚, 只係叫車人對榮榮有信心, 榮榮以為呢件事就咁就解決左喎, 但原來呢件事重留係車人心中, 一直都未忘記。

過左呢件事之後, 車人仍然同榮榮一齊, 車人對榮榮好好, 一心一意, 好錫榮榮, 但係榮榮可能因為太過得寵, 所以開始對車人要求越高, 因為一D少少既事情, 都發車人脾氣, 鬧多0左車人, 令到車人好辛苦,好唔開心,,,

而且, 因為兩人識得朋友幾多, 電話自然多, 因為咁, 大家又為咁既事鬧下交, 榮榮話車人多男仔打電話俾佢, 半夜3更都有男仔打黎, 車人又話榮榮成日好多女仔打電話黎, 結果, 大家唔信大家......

分手既原因, 係因為榮榮0岩0岩考試接近, 榮榮講左2個星期之內都唔得閒, 但車人好早就考曬試, 開始放假時間自然多左, 車人悶既時候想打俾榮榮, 但最衰既係, 原來榮榮每日既時間大多放係食飯, 睏覺, 打機, 同溫書。而且!! 打得重越黎越勁,每日都打幾粒鐘(係考試時期), 因為咁, 忽略左車人, 車人想同榮榮食餐飯, 榮榮都話唔得閒, 原來係屋企打機...... 車人又悶又唔開心, 男朋友又唔理佢, 結果唔開心左成兩個星期, 榮榮既冷寞態度, 令車人傷心得同榮榮分手。

榮榮失去左車人之後先發覺, 自己原來係對車人咁衰, 難得車人對自己咁好, 都唔識得珍惜, 宜家好後悔好後悔, 但一切已經太遲, 榮榮突然間感覺到, 車人原來就係自己一宜搵緊個樣野, 一直以黎, 榮榮對感情都唔太認真 (可能因為驚失敗)。除左車人之外, 無人俾到呢種感覺榮榮。

榮榮宜家, 好想好想認認真真咁做好一件事, 好想為車人做番D野, 真心真意咁去愛車人一個, 亦都好想珍惜呢段感情。好想錫佢, 呵護佢, 關心佢, 對佢專一, 榮榮已經發了誓,

給車人 7月9日
　呢個係我對你既愛的宣言, 我要全世界人都知道,
　我對你係認真的, 我會全心全意去愛你,
　係我心裏面, 沒有人比你更重要.我的心只能容納你一個,
　我應承你, 我一定可以給你幸福和快樂!

　我 榮榮 真誠發誓 如果我做唔到以上的話, 我今生注定孤獨終老.