這是一個網上情~但其實唔可以話網上情,你地睇下la~(我遇到)我天秤座~裡面有我,有阿C(假名)山羊座~

一個星期六既中午,我無聊地在家中玩yahoo桌球~入到一個桌球室la~咁開始玩la~我如常地同人say hi,問下佢幾多歲....(其實玩桌球係想識多d朋友),佢大我10年,係我心目中,係一個哥哥~
咁我用中文打字,佢用英文答我,英文好差既我,當然有d睇唔明la~其實我都開始有D唔耐煩,因為睇唔明又唔知點答佢好喎!!
其實佢開始覺得唔想打字,所以佢就叫我打電話俾佢傾,佢話唔想打咁多野!!
咁我又無嘜所謂丫~
咁打電話la~問下佢有無icq,佢話無,原來因為佢係美國返黎,唔係太識寫d中文,何況打呢~所以講囉!!佢係一個調酒師,係酒吧度做野!!
咁佢就叫我send email,咁我話好la~咁好快,我阿媽返黎la~咁就無講電話la~
咁我玩開icq,唔鐘意send email,所以我將抄地左佢email張紙放埋左一邊~
大約一,兩個星期過去了,我不知點解,想起了他,可能我在電腦前無野做,咁就幾經辛苦搵返張紙send左個email俾佢la~
佢過左幾日,send返俾我,咁大家都無嘜野講丫,咁佢就話佢有幾日放假係屋企好悶,叫我打俾佢~
因為大家都隔左好耐無傾電話,我打俾佢果時,佢係度喂!喂!(因為收唔到)咁就cut左線la~
跟住,佢打返俾我,我問佢知唔知我係邊個丫,佢猶豫左一陣就講左我個網名出黎la~
咁果時我唔得閒喎,所以無傾la~
跟住收到佢既email
sorry呀!你第一次打比我,我聽唔到妳把聲,之後個電話shot shot地.
係.......算啦!!我第一時間去換部電話打比妳,妳竟然話睇tv,之後無晒回音.
係...........心淡啦啦啦啦啦啦!...><
緊住講左d野......1437
佢又打"唔好意思說....我好鬼miss妳呀!1437
緊住又話You're the only one in my heart~
1437~
佢send好多次email都有打1437,但..我無刻意去解,但...只從佢只打左1437之後,我就去搵下點解la~
原來解"一世深情"
我解到之後,我同佢講,唔會架,你唔會一世深情,我好樣衰架!!
跟住佢過左幾日覆返我,佢話佢係泰國定唔知邊度,我唔識解果個英文,因為佢係第二度,所以打唔到中文俾你,佢話無論妳點樣都好,我只是想同你講聲我愛妳,我星期五返,等我丫!!
咁我咪send左我張相俾佢囉,不過我自己知自己事~
到左星期五,我好緊張咁等佢la~
但...無電話,無email,星期六都係...電話有響無人聽,咁我咪諗佢唔鐘意我囉,咁我咪第一次為左男仔哭囉!!
過了大約一星期...電話響了~我果時太忙,睇唔到來電顯示,佢問我,我係邊個,咁我緊係唔話佢知la~都唔知佢係邊個,等左一陣之後佢問我係咪xx(我個網名),咁我咪問...你係...佢話阿C丫,此刻,開心到爆~
佢話原來佢去左比賽(調酒比賽)本身以為入唔到位,所以告訴我星期五返,但...入到,所以佢會去好多地方比賽,如日本,新加坡,馬來西亞....咁我問佢幾時返?佢話七月la~
咁我果時又唔夠膽問佢係咪講真,只是同佢傾下計,叫佢比心機比賽~因為電話費貴,所以收左線~果時係6月頭架!!

咁到宜家都7月18號,我還等下去,還是唔等呢??
請大家俾d意見~佢金星人馬,我金星天秤~
等唔等好~