有一個女仔佢讀中二時候，佢識個男仔，初時佢好憎個男仔，但係識落之後，就覺得佢原來都唔係咁衰，之後佢仲越來越friend！！！成日傾電話呀！！！係堂上傳紙仔呀!!!好開心！！！係某一日，個女仔個friend突然同佢講話個男仔鍾意佢，佢初頭以為佢個friend講笑，但係當佢知道唔係講笑時候，佢唔知應該點好，因為佢知道佢另一個friend又鍾意個男仔，之後佢知道佢個friend唔係認真，所以佢就決定同個男仔一齊！！！
開始時候，佢唔係太鍾意個男仔，仲有D覺得對佢個friend唔住，又驚個男仔玩佢！！！有一次，佢應承個女仔話出黎陪佢，但係個女仔等幾個鐘都未見到佢，個女仔就走，之後佢知道個男仔原來冇去到時候，佢係好嬲，佢係度諗究竟個男仔係咪冇鍾意過佢呢？？？如果唔係點解佢會咁對個女仔呢？？？係唔係玩佢？？？應唔應該同佢分手呢？？？最後佢都係冇散到，因為個女仔鍾意佢，佢又應承會改過！！！所以個女仔就決定比多次機會佢，唔同佢散，之後個男仔都冇再係咁，個女仔都好開心。
佢一齊得越耐，個女仔就越來越鍾意佢，個男仔之後仲帶佢去見佢屋企人，個女仔又緊張又開心，個女仔心諗個男仔帶得佢去見佢屋企人，咁個男仔應該會對佢認真啦~~~
有一次個女仔好累唔想行，佢就主動揹佢行上百幾級樓梯。個女仔覺得好感動呀！！！雖然佢同個男仔一齊都覺得好開心，但係個女仔個心入面其實都有因為一個人而有D唔開心，個人就係個男仔前度女友，佢亦係個女仔朋友，雖然佢知道唔應該介意佢曾經一齊過，但係個女仔都成日諗住佢曾經一齊做過事，同埋希望佢第一個男朋友都好似佢咁係第一次拍拖，所以佢成日都會因為佢ge前度女友而搞到唔開心！！！雖然佢冇因為咁樣而散到，佢仲成日去街同埋傾電話！！！
係放暑假個時佢都冇乜野，但唔知幾時開始，個男仔對佢ge態度就越來越冷淡啦！！！個時個女仔已經知道咩事，佢希望個男仔會變返之前咁，所以成日搵佢，但係當佢打電話比個男仔時候，個男仔一係話好忙、一係話遲D搵佢，但係都係冇搵到，最後個男仔竟然話佢自己唔係度，個女仔好希望佢係唔係度，但係事實唔係咁，佢係度諗係咪自己有咩做錯，個男仔點解會咁樣對佢？？？
開學之後，好快就係個男仔生日，個女仔仲送份禮物比佢，其實佢都唔知應唔應該送禮物比佢，因為佢可能會掉份禮物，佢又搞成咁，之後個女仔就係學校托佢個friend問佢究竟想點，個男仔話不如靜靜地咁算啦！！！其實佢已經知道個結果會係咁，但係佢都係忍唔住喊，佢喊到收唔到聲，上堂時佢一路喊又不斷諗返好多佢一齊發生過事，直至佢喊到個頭好痛、之後好累好累就係堂上訓著，佢醒返時候，佢忍住唔好比D眼淚流出來，仲要扮到冇野咁，係好辛苦！！！佢之後成日係度諗個男仔點解唔要佢，係咪個男仔鍾意第二個？？？厭？？？定係自己太煩呢？？？佢個陣時係好唔開心，晚晚係到喊！！！ 佢好想話比個男仔知佢一早已經唔介意佢同過佢個friend一齊，其實佢一早已經諗通，因為佢知道每個人都會有過去，唔應該成日因為以前野而令到大家唔開心！！！同埋佢好後悔佢從來都冇同個男仔講過某句說話，佢記得有一次同佢傾電話時候，個男仔係咁叫佢講，佢點都唔肯講，其實佢唔係唔想講呀！！！而係佢想係一個氣氛好D時候先面對面講，同埋佢唔係一個咁輕易就同人講lee句說話人！！！但係而家已經冇機會再講啦！！！如果有機會佢一定會同個男仔講！！！，lee句說話就係<<我鍾意你呀！！！>>
過幾個月之後，個女仔只係希望同佢做番friend，所以佢就決定打電話約個男仔聖誕節出來玩，當佢打比個男仔時候，佢以為個男仔都想同佢做番friend，個男仔仲叫佢遲D打比佢，所以佢好開心！！！個女仔仲諗住係佢出黎晚送埋條頸巾比佢，條頸巾其實係之前織落諗住送比個男仔!!!之後因為佢……所以冇送到比佢！！！點知過幾日再打比佢，一次冇人聽，兩次冇人聽，個女仔初初只係以為佢唔係到，到第三次打比佢，個男仔又再次話佢自己唔係到，個女仔希望自己聽錯個個唔係佢，所以佢就決定打埋第四次，但係個男仔竟然cut佢線，之後個男仔個friend仲同佢講，話個男仔同佢講話你成日煩住佢喎！！！個女仔聽到佢咁講時候，佢好唔開心，仲親手拆條頸巾掉落垃圾桶，佢好想同個男仔講，<<你唔想去你咪話唔去囉！！！你唔想同我做番friend咪出聲囉！！！唔駛咁呀！！！點解你次次都係咁！！！好似之前咁，想散你又唔講清楚，同你一齊個時又成日講大話，應承我個D野又做唔到，而家你又同D friend夾埋笑我，唔該你理人感受啦！！！我唔想再比你同你D friend笑啦！！！>>但係都冇講到，之後佢都冇再同對方講過野啦！！！
直至有一次，個女仔個friend比個男仔icq佢，但係個女仔明明冇add到佢，但係唔知點解個男仔係icq度同佢講話佢add佢喎！！！之後佢係icq度鬧好耐，個次之後佢都係好似之前咁，冇同大家講過野。中三好快就會完啦~~~個女仔到而家都唔知佢為咩事散，個女仔好想走去問佢，但係佢冇咁勇氣!!!如果你係個女仔你會有咩感受呀？？？咁你覺得佢點解會散呢？？？究竟係個男仔鍾意第二個呀？？？定係個男仔從來都冇鍾意過佢呢？？？只係玩玩？？？厭？？？淡？？？定係佢覺得個女仔太煩呢？？？可能個女仔係第一次拍拖啦~~~唔知應該點樣去做人女朋友，淨係知道自己成日想見佢，又唔識得保持新鮮感，所以個男仔已經厭同佢一齊啦！！！你話係唔係咁樣呀？？？其實個男仔係咪好討厭佢呀？？？如果唔係佢點解唔可以同個女仔做番friend呢？？？其實係咪每個男仔追你時候，佢就當你係寶，對你好好！！！但當佢厭同你一齊時候，佢就當你係草，唔會再對你好呢？？？如果佢從來都冇開始過，個結局又會唔會好D呢？？？其實個女仔而家只係想個男仔話佢知佢分手原因咋!!!咁都唔會好過份呀~~~點解個男仔一直都唔比個女仔有一個答案，要佢一直係到等一個無了期結果，就算係一個唔好的答案個女仔都會好受D呀？？？點解都唔可以同個女仔講一次呢？？？如果你係個女仔你會點呀？？？