今日有好多野要做呀~~起身無耐就出左去食野，之後就去左自修室玩左一陣~4點就去左補econ~真係好悶呀~~不過個阿sir都講得ok0既~到左6點半我已經想走人~因為約左夢夢佢地7點家樂等~不過最後阿sir都0係6點9放人~我就即係衝去mk la~去到等左一陣齊人就入場lu~~^^好得意呀~我未試過去d會所活動ga!雖然唔係好多人~但都幾開心~雖然場戲唔太好睇~但有一個話都幾有feel...就係北野詩織彈琴果陣...果刻真係覺得好孤獨...【不過我知無論我係生係死，無論我做錯左幾多事...仲有一班朋友0係我身邊!!】
睇完戲之後我地就去左食野~~佢就坐左0係我隔離...好耐都無依種感覺...不過都唔知做咩好想食野又食唔落~所以都食左好少野~食飯果陣同其他人d氣氛都幾好~可能因為我係咁講野la~(傻傻地)
食完之後佢地話想唱k...果陣都成11點幾，所以都唔係幾想去~不過夢夢一句話唔想聽到『唔去』兩個字...即刻唔敢走啦~~
去到又係咁唱歌~一星期第三次lu~唱下唱下都訓左0係度~真係好眼訓呀~又好胃痛呀..不過算啦~幾何同人玩~~之後jenny同男3點就走左~剩得我同夢~之後都係佢唱哂~我都少唱~(因為我又訓覺)唱到5點幾就走左~之後就同佢去左紅dot同佢食野吹下水~之後就各自番屋企~
近排諗左好多以前0既事...錯過...失敗過...亦都受過傷...但今次我真係好想認真咁去鍾意人..就等時間證明自己的感覺la~我唔想再係錯愛!!