寒冬已經ｏ黎左,呢個冬天難得亞啊冀呢排都冇咩ｊｏｂ做，所以佢決定去佢
一直都好想去ｏ既地方，日本ｏ既秋葉原；因為秋葉原有好多電腦文義科技，佢
對呢方面ｏ既野都好有興趣，而且佢聽ｄ同學講日本有樣野叫民宿，比住酒店平
幾倍而家民宿可以更加了解當地文化，所以佢今次選擇左民宿，佢知道去火車站
可能搵到落腳既地方，因為肯俾人住晌佢地屋企ｏ既人會將佢地ｏ既地址貼晌火
車站塊公告板度，於是佢就去搵搵。

　　當佢睇到塊板之後．．．
啊冀：（ｗｏｗ～）咁多地方俾我揀～～揀邊間好呢ａˍａ”

　　由於有太多人想出租房間或床位,所以有極多o既紙仔貼左晌塊板度,於是佢就
開始逐張逐張咁睇，睇左一陣佢見到一張紙上面ｏ既簡介吸引住佢ｏ既視線。

啊冀：ｗｏ～正！！！呢張上面寫住『客房一間，價錢不拘，只限青年男性。地
　　　址＃％︿＆＃＃＆＆＃＊（＄』好似幾正咁ｗｏ．．．不過點解只限青年
　　　男性既呢。唔．．．．．唔鬼理啦，去睇睇咩環境先，反正晌離車站都唔
　　　係太遠．．．去睇睇冇傷干～唔ｏ岩咪走人囉。

　　講完呢堆野之後，佢就一個箭步咁跑去紙上面寫ｏ既地址睇下ｏ勒。

啊冀：呀～係呢度啦，田中家～．．．ｏ禁下個門鐘睇下有冇人晌入面先（叮噹
　　　．．叮噹）
　　
　　ｏ黎應門ｏ既係呢間屋ｏ既男主人，田中先生。

田中先生：你好，請問有咩事呢？
【心想】：嘩．．乜條友咁怪ｏ既．．．戴個咁ｏ既面具．．．仲用頭巾包住
　　　　　個頭．．

啊冀：請問呢度係咪有房出租？

田中先生：係呀．．．你想租！？請入ｏ黎啦。

啊冀：咪住．．．價錢方面．．．？

田中先生：哦～價錢方面．．．．Ｙ２０００　一日好唔好？

啊冀：（＠ｏ＠）←【面具顯示ｏ既圖案】咁抵！？咁我幾時可能入ｏ黎住？

田中先生：隨你喜歡，你而家入住都得架。

啊冀：咁打攪晒啦 m(_ _)m ←【動作】

　　佢地入到田中先生屋ｏ企入面，田中先生屋ｏ企兩層高，大約７００呎，一
樓有一房二廳，廚房廁所各一個，上層係２間房。佢地一路有傾有講，突然．．．

田中先生：借問．．．恕我唐突問一句．．．你今年幾大？仲係咪處男．．？
　　
　　有睇開ｏ既人都知啊冀ｏ既歲數天文數字，所以佢就答左佢個假身份ｏ既年
齡，至於係咪處男就不得而知啦＝︿＝

啊冀：吾．．．應該１７歲．．處男．．．仲係．．
【心想】：都唔知點答好．．

田中先生：！？【心想】：１７歲．．．ｏ岩ｏ岩好．．．嘿嘿嘿．．．

啊冀：丫．．係啦，田中先生，呢度係今晚同聽日ｏ既房租，我唔知會住幾耐，
　　　所以俾住２日ｏ既房租．．．田中先生，而家帶我去我間房得ｏ麻？因
　　　為而家時間都尚早，我想放低ｄ行李出去行下．．可以ｏ麻？

田中先生：ｓｕｒｅ～
【心想】：當我地對你唔住啦。
　　　
　　當佢地行到往二樓ｏ既走廊ｏ既時候，啊冀見到幾張田中家ｏ既合照，於是
佢好無聊咁問田中先生。

啊冀：田中先生，相裏面果兩個係你ｏ既太太同女？（按：廢話）

田中先生：丫．．係呀。

啊冀：咁點解唔見佢地ｏ既？

　　田中先生垂低頭繼續行，咩都冇答到，好似唔多想答咁。

田中先生：丫．．．同你傾左咁耐，都未問你貴姓．．

啊冀：丫～係啦，我都唔記得同你講，小姓洪．．你叫我啊冀得ｏ架啦

田中先生：哦～啊冀，你間房晌呢邊，呀～係啦，你一陣會唔會晌我呢度食晚飯
　　　　　呢，因為我老婆佢去左買“食送”，佢出左去唔係好耐，我可以打電
話叫佢買埋你果份。

啊冀：哦～好呀，你地大約幾點開飯，我要預返ｄ時間返黎。

田中先生：你７點半咁上下返ｏ黎就得架啦，我地會等埋你食飯，不過唔好太晏

　　啊冀一路聽田中先生講野，一邊晌張紙仔度寫野。　

啊冀：好ｏ既～咁我而家出去行下架啦，呢個係我電話號，有咩事打俾我啦
　　
　　於是田中先生就同啊冀一齊行出房門口，就晌呢個時侯．．．．晌啊冀對面
果間房突然傳出幾下巨響“啪！啪！啪！”

啊冀：（＠＠）嘩！咩聲ｏ黎架，好得人驚下啵．．

田中先生：冇野冇野，呀．．．可能係我個女養果隻貓走左入房撞到ｄ野ｏ既聲
　　　　　ｏ黎ｏ既ｊａ，唔駛理佢ｏ既，我一陣會去執番好ｄ野架啦．我而家
　　　　　送你出去先，你早去早回啦～

啊冀：哦．．．．今晚見。

　　就係咁，啊冀就走出左田中家，向佢最愛ｏ既電視市場進發啦。

　　話咁快就過左兩個鐘啦。晌呢邊廂，田中太太已經返左屋企啦，而田中先生
就急不及待話俾佢太太知已經有人租左佢地間房，而家仲啊冀ｏ既事一五一十咁
同佢太太講，然後田中夫婦就一齊商議緊一ｄ野．．好似係一ｄ唔俾得啊冀知o既
野．．．究竟佢兩個有咩陰謀呢．．．
　　
　　晌另一邊廂，出左去逛電腦商店ｏ既啊冀，佢簡直好似萄醉左晌呢一條佈滿
電腦商店ｏ既街一樣完成唔知田中夫婦想對佢做ｄ咩咁．．．佢有戴手錶ｏ既習
慣，當佢見到已經７點，佢就開始步向返回田中家ｏ既路

　　當啊冀番到田中家ｏ既時侯，因為啊冀仲未有呢間屋ｏ既鎖匙，所以佢都仲
係要按門鈴‘叮噹～叮噹～’今次ｏ黎開門ｏ既係田中太太

田中太太：你好．．睇你ｏ既打扮．．．你應該係啊冀．．．係唔係？

啊冀：呀．．你好，你應該就係田中太太啦係咪？
　　
　　田中太太請左啊冀入屋之後就同啊冀傾起上ｏ黎

田中太太：呀～係呀，啊冀你快ｄ入黎啦，我地唔多開飯架啦，係番我ｏ黎真係
　　　　　合時，再遲ｄ我地就唔得你架啦～～

啊冀：（︿︿”）咁真係唔好意思啦，如果我早ｄ返就可以幫下你地手啦，我煮
野食都有一手架（ａˍａ”）

田中太太：係！？咁ｏ聽晚果餐就麻煩你煮啦，嘿嘿
【心想】：如果你ｏ聽晚仲晌度住的話．．．

　　究竟田中夫婦想對啊冀做ｄ咩野呢！！？？
　　
　　晌開飯之前，啊冀見到田中太太趁佢去左廁所ｏ既時候，偷偷地咁拎左ｄ飯
菜上二樓，雖然佢覺得好奇怪，但佢都冇問到點解

　　食完晚飯之後，啊冀就問左田中先士借電話打返屋企報平安，然後佢晌飯廳
坐左一陣，睇左一陣當地ｏ既節目，但由於當日冇咩節目提得起佢ｏ既興趣，於
是佢返決定上房睇ｄ佢自己帶ｏ黎ｏ既書，佢一上到房，見到田中夫婦已經為佢
準備左被褥，但由於剛剛食飽，所以佢做左少少餐後運動，直至佢覺得冇左飽飽
濟濟ｏ既感覺之後，佢就鋪好被褥，然後竄入被竇入面睇書
　　
　　睇睇下，唔經唔覺已經十一點幾，就晌呢個時候，突然有人拍門，於是啊冀
就去應門，原來係田中太太拎左杯茶俾佢飲

田中太太：啊冀，我見你間房仲未熄燈，於是拎杯茶俾你飲，唔好咁夜訓啦。

啊冀：唔該晒田中太太，我睇多陣就訓架啦。

　　啊冀送左田中太太出房出後，就拎起杯茶ｏ黎飲，但佢聞一聞杯茶，就發現
杯茶俾人落左安眠藥，因為安眠藥對佢根本起唔到作用，而佢又好想知究竟田中
太太想搞咩野，於是佢晌飲完杯茶之後就扮藥力發作之後竄入被竇扮訓教。

　　田中夫婦原來一直都企左晌房門口度，佢兩個晌門隙度偷睇啊冀ｏ既一舉一
動，當佢兩個見到啊冀訓左之後之後，佢兩個就走入佢間房度用繩張啊冀ｏ既手
腳紮起，不過啊冀知道呢ｄ咁ｏ既繩佢只要係咁依～用下力就整得斷，所以由得
佢地，田中夫婦紮好左佢之後，就開始談論起來．．．

田中太太：嘩．．呢個乜人ｏ黎架．．訓都戴住個面具同包住個頭。

田中先生：等我試下除低佢個面具睇下佢咩樣先。

　　田中先生出盡九牛二虎之力都除唔到佢個面具出黎，最後都放棄左，然後田
中夫婦就合力將啊冀抬左去今日傳出怪聲果間房。

啊冀：咩房黎架，燈都冇．．咩都睇唔到．．佢兩個唔係想做瓜我下化（＝．＝）
　　　我未驚過，反正到而家我都仲未見到呢個世上有一樣野傷到我，等我訓醒
　　　先紮起你地ｏ黎問。
　
　　就晌呢個時候，啊冀聽到有一把女性ｏ既聲晌度不斷重覆同一句野，內容好
似係【我要ｘ人】啊冀聽得唔係好清楚，正晌啊冀諗住聽清楚果把女人聲講乜o既
時候，佢感覺到有人除緊佢ｄ衫，而家仲感覺有人摸緊佢同錫緊佢。

啊冀：嘩．．．仲得了．．唔得，整斷條繩佢先。

　　啊冀一用力，條繩應聲斷開，之後佢憑著佢ｏ既感覺，一個熊抱咁攬住頭先
摸佢果個人，啊冀望到個女仔ｏ既正面，佢認到個女仔就係田中夫婦個女。

啊冀：妳咪係田中先生個女，頭先做乜無啦啦除我ｄ衫同摸我呀！？

．．：吼！！！

　　田中夫婦個女就係咁掙扎，但啊冀又怕整傷佢，佢不斷咁掙扎，於是啊冀就
想將佢ｏ禁落地下，但係啊冀唔小心扯爛埋個女仔件衫，見到個女仔ｏ既裸體，
啊冀有ｄ不知所造，於是佢就想除左自己件衫包住個女仔，點知個女仔發晒狂咁
ｏ禁住啊冀黎錫，而家仲除佢ｄ衫，於是佢就晌佢衫袖度拎左條鍊出黎紮起左個
女仔再用件衫包住佢。
　　
　　可能造成ｏ既聲太大，晌樓下ｏ既田中夫婦走左上ｏ黎，佢兩正想打開門o既
時候，啊冀打開左房門，然後示意佢地入去睇下佢地個女。

啊冀：我落樓下坐陣先，你地搞掂左你地個女之後落黎解釋我知究竟咩事。

田中夫婦：．．．．．．．．

　　過左一陣之後，田中夫婦帶埋俾啊冀用鍊紮住左ｏ既女，一齊落到黎客廳向
啊冀解釋整件事ｏ既由來

田中太太：我地個女．．佢．．佢．．嗚．．嗚．．嗚．．嗚．．

田中先生：都係等我黎講啦．．．晌件幾之前某一日，我地返到屋企ｏ既時間見
　　　　　到個留低左封信，話佢同個人私奔．．．點知．．

啊冀：得啦，我知道晒啦，個男人厄左佢ｏ既錢同肉體，而家果個人係一個對心
　　　理好熟識ｏ既人，係佢整到你地個女痴埋線ｏ既係咪？

田中夫婦：【＠＠】你點知架！？

啊冀：我識讀心術，不過平時唔用，見你兩個咁傷心，唔想件事由你地個口講出
　　　ｏ黎．．至於厄你地個女呢個人．．．可能同我一樣唔係人，見你地對我
　　　都唔錯，唔收錢幫你地搵佢出黎啦，我搵到佢之後會帶佢黎俾你地打返佢,
　　　不過．．你地打完佢之後個人要交俾我處置。至於你地昆我呢件事，我唔
　　　追究．．嘿嘿，雖然我平時鐘意望靚女ｊａ，但我係唔會同冇感情ｏ既人
　　　發生關係ｏ既．．．見到你都係為左個女．．．我可以幫佢忘記呢件事同
　　　回復正常。

田中夫婦：我地咁對你．．你仲幫我地．．真係唔知點多謝你【Ｔ－Ｔ】
　　　　
啊冀：多謝就唔駛啦，搞左咁耐，有Ｄ肚餓，麻煩你煮隻麵俾我，我而家帶你地
　　　個女上去幫佢醫，轉頭落黎食。

　　過左幾分鐘之後～～～～～～～～～～～～～～～～～～～～～～～

啊冀：搞掂晒～～你地個女而家訓左，佢訓醒之後就會唔記得晒Ｄ野架啦，食個
　　　麵先，鬼死咁肚餓。

田中夫婦：多謝晒你！！

　　佢係完麵之後～～

啊冀：我而家返上去訓返一教先．．搞左咁耐都未訓過．．“支力”死我啦(*.*)
　　　ｏ聽朝唔好叫醒我，等我自己醒

　　到左天光果陣～～～～

　　晌二樓傳出一聲大叫．．

　　丫！！！有賊呀！！！！！！！

　　田中夫婦立即衝上二樓睇下發生咩事

田中夫婦：發生咩究！！？？

　　田中夫婦一上到二樓，就見到佢地個女一邊大叫有賊，一邊“鍊”住一面無
奈啊冀條頸係咁遙。（晌佢面具度顯示著無奈ｏ既表情）

田中之女：爸！！！媽！！！有賊呀！！！！

田中夫婦：你認得我地啦！！

田中之女：咩呀．．咩認得你地呀．．唔好講住，快ｄ報警先

田中夫婦：你放左佢先啦，佢唔係賊黎架，係佢幫你．．．．
　　
　　啊冀見到田中夫婦想衝口而出，立即用傳心術同佢兩個講野

啊冀：我咁辛苦先令佢忘記ｄ野（＝．＝）你兩個係咪想佢記得返．．
　　　（註：幾分鐘．．．有幾辛苦．．．）

田中夫婦：唔係唔係．．．．咁我地應該點答．．唔通真係報警ａ．ａ？

啊冀：．．．．．．＝．＝

啊冀：話尋晚見我晌你地門口暈左所以你兩個執我返黎唔得架咩＼ｏ／

田中夫婦：嘿嘿．．．嘿嘿嘿．．．
　　　　
　　　　　　　　　　　　　　－完－





人物介紹：

啊冀：←唔係人,原先係一個中五學生,後來變返遠古前ｏ既自己,係
　　　Ｄｅａｔｈ　Ｈｏｒｓｅ　 Ｒｉｆｅｒ既隊長
　　　代號Ｄｅｖｉｌ
　　　傳說ｏ既黑翼天使
　　　成日戴住面具，包住頭巾，雙手包住紗布，人地問起，佢會話係燒傷左
　　　所以咁做


Ｄｅａｔｈ　Ｈｏｒｓｅ　 Ｒｉｆｅｒ其他隊員仲有
Ｇ．Ｄｒａｇｏｎ－－－女
Ｗ．Ｔｉｇｅｒ－－－男
Ｒ．Ｂｉｒｄ－－－女
Ｃ．Ｔｏｒｔｌｅ－－－男


Ｗ．Ｔｉｇｅｒ：←都唔係人
　　　　　　　　係佢幫啊冀知道佢自己係邊個
　　　　化名：成
　　　　　　　　傳說中ｏ既天使
　　　　　　　　經常同啊冀一齊

Ｇ．Ｄｒａｇｏｎ：←都唔係人
　　　　　　　　　男仔頭ｏ既女仔，最憎俾人認錯佢係男仔
　　　　　　　　　啊冀最鐘意串佢係男仔，成日去左做保鑣工作，所以好少見

Ｒ．Ｂｉｒｄ：←同其他一樣，唔係人
　　　　　　　Ｗ．Ｔｉｇｅｒ愛人，佢地兩個一齊會當其他人冇到
　　　　　　　啊冀成日都會趁Ｗ．Ｔｉｇｅｒ唔晌度果陣串佢ａˍａ”

Ｃ．Ｔｏｒｔｌｅ：←如上
　　　　　　　　　一個有差不多兩米高ｏ既大隻佬筋肉人
　　　　　　　　　成日整爛大屋入面ｄ野
　　　　　　　　　同Ｇ．Ｄｒａｇｏｎ負責保鑣工作ｏ既ｏｒａｄｅｒ
　　　　　　　　　所以一樣係成日唔見人

　　　　　　　　咯咯著作，版權所有，翻印必究