每個人都有自己獨特既觀念
就好似我鐘意做既野。。
唔係個個都會一樣鐘意做。。
就算鐘意做。。
個程度都會唔同。。
可能我個人比較幼稚。。
亦都可能諗野諗得太多方面。。
我覺得鐘意唔係得把口講。。
係要用個心去表達出黎。。
今時今日因為ICQ既出現﹐
我覺得每一個人都有虛假既一面。。
可能因為o係每一個msg既中間。。
你有得諗你應該講D咩。。
又或者諗唔到就可以打個symbol落去都得。。
我諗。。有好多人都因為o甘而識到好多異性。。
更甚者。。可能發展成親密/蜜關係。。
(密=無愛既存在, 蜜=有愛)
可能就係因為一幅online相。。
你就鐘意左。。
但係o甘會唔會兒戲左小小呢﹖﹖
我覺得上網識人唔緊要。。
但係一望到係靚既就鐘意。。
我諗。。都有好多人係o甘。。
唔知係我比較獨特既關係。。
我覺得如果online傾得多。。
跟住傾電話。。
然後覺得﹕
"依個人同我諗野幾match丫都~"
o甘都可以鐘意架咋嘛~
唔一定要係靚女。。
反正老左咪又係一個死老野。。
樣。。對我黎講。。
係完全無咩價值。。
o係世界上。。
有個同你match既人好難有一個。。
可能好多人都話。。
醜同靚如果有得揀﹐
點解唔揀個好D﹖
可能好多人都揀靚D。。
但係你諗下將來。。
無o甘靚既可能會對你專一D。。
所以。。有得俾我揀。。
我寧願要個無o甘靚既女朋友。。
我之所以o甘講。。
係因為。。曾經。。
我有個好靚既女朋友。。
無錯。。我地係對大家好有feel。。
仲談論過婚嫁。。
但係唔知點解。。有時我ICQ講講下野。。
跟住就會好耐先覆返我。。
問問下。。原來係同新識既男仔傾計。。
可能好多女仔都唔知。。
o甘樣係會令到自己男朋友有一剎那無左安全感。。
D女仔成日話D男仔俾唔到安全感。。
但係其實男仔仲易無安全感。。
所以。。我靜係鐘意有一份札實既感覺。。
等拍拖o個時既感覺可以一路build up上去。。
而令到結婚。。唔會係男人既墳墓。。