有個女人一直都覺得佢老公唔識得哄佢，就連求婚都只係聽到佢老公一句嫁比我丫，咁簡單！有一日，女人同老公講離婚，老公問佢可唔可以比一次機會佢！女人就話如果老公可以答佢個問題答得佢滿意就唔離婚。女人問：「如果山上有一朵花，我好鍾意，但係如果你摘比我，你就會跌死！咁你會唔會摘比我？」老公話呢個問題要聽日至答到女人。第二日，女人起身唔見左老公，只係發現有一張字條，字條上寫：老婆，我唔會去摘果朵花，因為當你唔記得帶鎖匙o既時候，我要留返對腳跑返屋企幫你開門；當你shopping　o既時候，我要留返對手幫你拎野；當你唔舒服o既時候，我要留返個人去照顧你…如果呢個答案你滿意o既話，你依家開門，因為我依家企左o係門口拎住你最鍾意食o既鮮奶包。女人見後，淚流滿面咁開門攬住老公，而老公手上亦拿著一朵花，對老婆說：山上的花我比唔到你，但係路邊o既花我比到你！