我之前一直都好唔明白點解明明兩個人都相愛但係又唔可以一齊～＊
我亦體會過箇中既痛苦！
原來，比起我想像中更加痛！
以前我會諗點解唔可以一齊？係咪我做錯野呢？係咪我同佢性格唔岩呢？等等．．．
成個人變晒！諗野就諗埋一邊！完全唔知自己做咩？可以一分鐘前好開心，一分鐘後就喊到收唔到聲！成個傻婆咁！
而家諗返起～真係覺得好好笑呀！
我而家終於明白有時相愛未必可以一齊架！我果時仲細路女！未識諗野！但係你唔同．．．你識得諗將來，知道有ｄ咩應該做，有ｄ咩唔應該做！
我記得你同我講過．．．愛得越深，傷得越深！無任何野係可以擁有一世架！你迷戀一樣野既時候，當你失去果時，傷心既只有自己，無人會可憐你架！
你講完黎句野之後．．．我好似岩岩昏迷完之後起身咁！成個人醒晒！
我好似知道我應該點做！
我知道你唔同我一齊一定有你既原因～＊
就算比我等到你咁又點呢？之前發生過既事無可能當無發生過！大家心中始終會有條刺係到．．．拔唔走！就好似紋身咁！一世架啦！
要我記住同你之間唔開心既事．．．倒不如記住你同我之間發生過開心既事！唔係仲好咩？
＊＊＊＊＊＊＊＊＊＊＊＊＊＊＊＊＊＊

突然間我諗起以前有個朋友同我講左一句說話！佢同我講果時．．．我仲走去笑佢白痴～＊
哈哈！原來白痴果個係自己！
佢話：鐘意一個人同愛一個人係唔同架
我果時以為鐘意同愛有咩分別喎！咪一樣！原來都唔係架！鐘意一個人！只不過鐘意佢既優點！愛就係無解架！講得出點解就唔係叫愛！

發覺以前既我太幼稚啦～＊