丫...訓唔著
其實我發覺自己都幾鐘意係夜晚同病個陣亂諗野...

記得有次佢講個恐佈笑話，
我俾佢嚇到喊左..跟住幾秒後又笑番。
無lala好唔開心發哂所有人脾氣，
跟住過一陣又無件事同番人講野。
有時諗番以前唔開心ge野，喊完之後又冇事。
我認我係幾情緒化。

由細到大都俾屋企人"種"慣..
慢慢到大個就連揀男朋友都要好就自己，
有時會無端端發脾氣因為我想睇佢有咩反應，
諗埋d古靈精怪無理ge要求...
半夜三更落去買雪糕..落街跑步等等
因為我想知道我講ge說話有幾重要性?
可能我鐘意俾人重視個種感覺。

無論係大事小事，好憎人講大話
所以我好自我保護，好信自己感覺
唔會咁容易相信人
因為我好害怕俾人呃..害怕冇哂安全感。