08122003
最近我生活o係一種無形o既壓力低下.
由於我唔敢搵人傾訴. 甚至唔敢同人講之下.呢種壓力不斷咁成長.
我開始發覺我就o來忍受唔到. 但係我又無力去制止佢.

講緊o既係我走堂之後o既罪惡感.
走堂o個個係我. 之後唔開心o個個又係我.
呢個係一個非常之差o既惡性循環.
由於一個lecturer問我點解會揀interior design. 從此之後我就不停反覆思索呢條問題o既答案.
問心其實自己讀得好辛苦. 不停畫draft學auto cad畫圖則section乜乜乜view perspective手繪做無限個mock up model等等等等.

不幸地我得到處女座最大特質.
時時都覺得自己唔夠好. 覺得自己o的design唔夠好. 成日都想做好o的.做好o的.

好煩. 其實我次次都係嘔o的design出o來. 連續多晚不停咁通頂做做做.
我一o的都唔開心. 我只係enjoy出design o既過程. 打後工作我一o的都唔想做.

著實諗過第時我畢業都唔打算做design.
只係諗住走去學廚之後o係呢cafe做下. 一儲夠錢就走去外國睇下其他人證明自己係生存緊. 無錢就搵工賺錢. 之後再o來過.
design對我o來講只係[知識]. 令我o既生活更精彩.

而家o既生活令我好辛苦.
根本唔想番學. 只係o係屋企埋頭出design. 功課照做只係唔多想番學.
但係我已經好多日冇番學. 應該係呢2個星期番o既日數真係好小.
好罪惡感. 唔番學我覺我係一件好錯o既事. 好多人都有走堂. 佢地唔覺得係一會事. 但係唔知點解我就好介懷.

其實真係緊要o既lecture我有番. 但係當有人問我"你仲乜唔番學"我就好驚.
甚至唔開手提icq用眼仔.

有一個朋友佢平時係好可愛好溫柔.
但係有時會突然好惡好認真咁鬧你.
仲勁過360度轉變. 佢之前知道我走堂就勁話我. 話我得3次機會. 3次之後就唔會再理我. 唔知點解我好驚. 真係真心驚.
我唔敢俾人搵到. 我驚佢又會鬧我.
其實都係為我好. 但係反而變成壓力.

罪惡感不斷成長.
停止佢o既只有番多o的學.
但係壓力來源真係只係咁. 一或係因為我唔想再讀.

我諗我只係知道.
我而家冇得揀放棄.

- - -


近來生活得唔開心.