愛情就好似信用咭一樣,因為每段愛情都有唔同既信用額,轟天動地既愛情,就等如一張白金信用咭,問題係你碌爆咭既時候,才發現原來自己不大了解對方,於是拖拖拉拉.呢類吊鹽式愛情,比比皆是.而簽咭就更加似愛情,當你見到一件好鐘意既衫時,你會諗都唔諗就碌咭買左佢,但最可悲既係,未到還款期,你已經發現自己唔鐘意呢件衫,諗落都幾可悲.
信用咭可以比人好方便,正如愛情可以讓人快樂一樣,但碌咭前係咪好應該諗清楚自己既還款能力呢?每次投入戀愛之前,有幾多人考慮過自己承唔承受到感情所帶來既喜與悲?愛情所帶來既傷痛,好多時一世都無法磨滅的!!!