呢一個星期不斷圍繞o係旅行方面.
月尾o既台北之旅要delay到1月啦. 不斷發有關旅行o既夢啦.

今日諗到2004年會去邊個地方.

一月一個人去台北.
二月可能去韓國.
四月唔知去唔去學校個北京交流團. 或者同同學去另一個地方.
七月同媽媽去泰國.
八月朋友話一班人一起去唔知邊度.


最期待都係一月o既台北之行.

其實一直都好想去一個長期o既旅行.
.o係o個個地區留2,3個星期. 真真正正體驗o個度o既文化同生活.


去住下o的民宿或者小旅館啦. 唔好再住酒店.
唔好咁嘆. 旅途中唔好只係有玩食訓.

.o係旅途中認識下由唔同地方o來o既人. 大家可能有/冇一樣o既諗法.
認識多o的同自己唔同o既人先至有樂趣.
去發現下地球唔同角落o既人同事. 或者會更加明白點解你會生存緊.
或者有一日你或者我突然行行下街失去o左生命.
都會因為你或我去睇過呢個世界而冇咁多遺憾.

雖然之前都試過自己一個人o係另一個國家度生活一,兩日.
但係就未試過自己一個人去攪掂去旅行之前o既準備啦.
一個人搭plane. 一個人去另外一個地方獨立咁過日子. 之後再一個人番o來(或者2個人?? Hehe..)

番到o來. 一定會唔同o左.

令我好響往一個人去異地o既係一次去日本o既經歷.
16歲唔係好知發生緊咩野事o既年紀同情人去日本.
由book機票酒店. 到去機場同落地我都只可以依賴佢.
日本有唔認識o既文字. 語言. 人同事.

有一日我話不如分頭行事.
我o係新宿一個人周圍亂咁行.
去下一o的鋪頭同人用身體語言溝通啦. (佢又明我講乜woo)

呼吸下異國o既空氣啦. 望下異國o既天空.
突然覺得好開心. 好自由o既感覺.

喜歡上呢個地方唔係因為佢o既潮流氣息. 而係呢個地方o既性格.
就算去到裡原宿都唔知佢係裡原宿.
只係覺得佢好得意成個迷宮咁dull下dull下又出番o來. 有o的奇異o既鋪頭.
去到hyestic, beams boy百貨只係覺得 [哇. 都ok貴woo.]
見到勁新款波鞋只係覺得 [ 哇.唔係大大盒鞋咁搬番去呀ma?]

錢唔多.
去到日本唔係為o左追求佢o既潮流氣息同滿足物慾.
反而就住就住恨下就算都幾開心.

滿足o既會係因為行下雷門見到佢o的日本傳統手藝幾得意.
O的男人著住o的傳統服裝o係度行o來行去.
賣和果子o既鋪頭好精美. O係1010望住o的和服幻想煙花大會.
望下佢o的景色. 望下佢o的人.

其實咁已經好開心.


咁樣去旅行先係最開心.
自己一個人去性質都一樣.

唔駛要好豪. 或者要受下困難.
去完旅行番o來徐o左錢小o左. 個gip重o左. 重會學多o左.

去感覺o個個地方.
幻想呢個地方係一個人. 你去認識o個個地方多o的. 好似了解一個朋友多o的.

咁你可能唔會再因為o係日本排唔到別注波鞋或者o係泰國買唔到Levi’s而唔開心.

起碼我係咁諗.