大家好～！多謝你收睇呢個橫節。我，就係呢個節目既主持人-利孝和。（我係夫人～）
今日教大家講既廣東話係︰如果，你發現自己遇到一個好壞既情況！例如有一日，係屋企，去廁所既時候，痾血！係呢個情況既時候，哇～當然係壞啦。咁既情況，一係，你就係胃潰陽！一係，就係你係生癌！又或者係你食左好多蕃茄。當然食蕃茄梗係無野啦。但係若然你真係生癌既話呢！導致痾血呢！咁呢個情況就好差喇。咁係呢個情況，廣東話我地就叫做！（你今次真係痾拔甩呀！）
無錯。拔甩，本來係英文字黎既！拔甩亦都係中文。我地叫佢做”拔甩”。好喇跟我講一次！呢個中文字︰”拔甩。”英文字︰”拔甩。”好喇大家都好熟喇。咁，拿聽住囉播，”拔甩”係中文定英文呀呢個～？（英文～）錯喇，呀中文黎既。拿，呢個喇，”拔甩”呢個呢？（中文～）錯喇呢個係英文黎既。
好喇！當大家對於”拔甩”呢個字，中英文既發音都清釋之後呢，就開始實用性喇。
拿如果！各位自由行既遊客，有一日你黎香港睇報紙，發覺你既香港偶像係電影金像獎，因為公報左票數之後！輸左好多票！攞唔到獎，而你又咁啱～，係香港街市果到撞到佢買餸！係呢個時候，你就可以指住佢！同佢講！（你今次真係痾拔甩呀！）