故事發生係1999年10月，有一個好傻既女仔係icq到識到一個男仔，大家好好傾！傾左成個月，仲約好平安夜出來見面，到12月24號當日女仔好準時去到約好既地點等呢個男仔，而男仔都好守信用出來見女仔，呢對男女當夜玩得好開心，雖然只係去食飯同睇燈飾，但呢餐飯對呢對男女黎講係最好食既，而燈飾亦係全世界最靚既！呢對男女後來仲拍埋拖，開頭男仔對女仔好好，女仔開始時都唔係好認真，但後來比男仔既行為感動，開始好愛男仔，但好景不常，係佢地拍拖既第三年亦係同居既第二年男仔開始原形畢露，佢開始經常發女仔脾氣，仲打呢個佢心愛既女人，女仔既所有朋友、家人、同事都勸女仔離開男仔，但女仔因為太愛男仔，所以一次又一次咁原諒男仔，希望男仔可以因為女仔既忍耐而改變男仔既行為，但男仔不但無改變，仲更加變本加勵，終於到2002年既12月31號男仔又再為一D小事而同女仔鬧交，男仔亦好慣性咁出手打女仔，但今次男仔出手太重啦，女仔終於都支持唔住啦，女仔除左身體上既痛之外心靈上既痛亦都支持唔到，而女仔既2003年1月1日就係醫院裡面渡過，醫院裡面每一個人都好平靜，平靜到根本就唔知道03年已經到左，而陪住女仔共渡新年既就只有一堆傷痕，心痛，回憶同眼淚！
幾日之後女仔離開醫院，係女仔離開既時候同自己講過，要自己比一年既時間去忘記過去唔開心既事，所以2003年同呢個女仔黎講係最難捱既一年，女仔嘗試過用唔同既方法麻醉自己，但發現原來好多方法都係無用，原來男仔既一切一切都已經一一咁刻係女仔既心裡面。