唔＊佢叫小龍．．
我同佢係響萬聖節識既，果日我同ｆｄ一齊慶祝啦，咁ｆｄ搭ｆｄ就識左佢啦～
果日，我地響阿公角條橋玩～
玩ｄ白痴野啦，『６樓後座』果ｄ誠實與大膽呀～
佢坐響我隔離，咁開始傾計啦！
傾左好多野，慢慢熟落左，之後就行開左第二面傾計。
係啦，就慢慢發生左感情啦，就響果晚！
我都唔知點解會咁快，好似係果種一見鍾情啦，ｈａ，好老土呀＊
我地周圍行，我記得果晚好凍，真係好凍～佢就拖住左我ｌｕ．．
可能好ｆｅｅｌ的關係啦，就鍚左啦！
果晚之後，我地一齊左！跌破好多人眼鏡呀。佢地唔睇好我地會耐囉，點知就真係唔長喎。２個月度啦！
但係呢次係我拍得最長ｇａ拖啦！因為之前俾一個男仔傷得好深，搞到我唔信愛情！每次拍拖都唔夠２個禮拜就散ｌｕ＊
我講分手既＊原因得一個，都係放唔低之前果個．．．
但係小龍，就破左我既紀錄啦～
同佢一齊好開心架，好似有種天跌落唻都有佢幫我頂住既感覺，好傻呀可？
我地唔駛話要去ｄ好貴呀，好高級既地方，就算響佢屋企食面包睇碟都好開心～
每次，我都訓響佢隻腳度睇戲，由下面望上去呢，好幸福架．．ｈａｈａ＊
後尾因為一ｄ事，我地分左手。我講既！
但係，我好唔捨得呀，我喊左兩晚，我知ｈｕｒｔ得佢好深，我個ｆｄ話佢成個人ｄｏｗｎ哂．．．我聽左之後勁心痛囉！俾人ｈｕｒｔ到都唔算真係好痛～時間會慢慢平伏番，但係自己ｈｕｒｔ到鍾意自己既人，果種感覺，真係好難受架。
後尾唔知點解，我同佢一齊番，但係好多野都變哂ｌｕ，根住番唔番以前咁樣，ｄ人講過一句野係對架，好似一塊鏡咁，就算點樣補償番，都仲係有條裂縫咁，一世都唔可能冇野．．．
而且，佢已經唔鍾意我啦．．．
既然大家一齊唔開心，我唔係個拖拖拉拉ｇａ人，就唯有分手啦！
不過今次，我唔會講，我唔想再係我講分手，我唔想再內疚。
之後，佢終於同我講左分手。
ｅ次，我冇喊過，係有一種被解放既心理！
小龍，我同你講丫，我今次對你係認真架，或者我地唔係想像中咁夾啦！
不過多謝你一樣野ｇａ係，你幫我由『佢』果度釋放左出唻，我已經放低哂果個人啦，我知你會為我開心架．．ｈａ＊
原諒我啦，我響愛情上仲係好細路女，而且唔識為你著想過，對唔住呀！
希望我下次再拍拖既時候，我會為另一個佢諗下啦！