曾經同佢一齊渡過快樂既日子，小學時佢係一個乖乖女，又係班長，成績又好～雖然唔出得街，但淨係傾電話我都已經覺得好足夠。不知怎的，佢能吸引著我，使我不再看別的女仔（小學時），但至升中一後，我同佢便沒有聯絡．．．

　　直至４年後，我生日後一晚，佢約左我出黎，咁多年冇見面，唔知佢變成點樣呢，先頭我只見到佢小學時既好朋友，但仲未見到佢既出現，及後先見到佢，佢變左，亦都瘦左，前幾年都曾經見過佢，但感覺同宜家好唔同，佢性格都變左，變得好得意，但係佢已經冇以前咁乖ｌｕ！見完佢之後，當佢走左冇幾耐，我又想搵番佢，連我自己都唔知點解會有種咁既感覺，於是打左俾佢既朋友叫佢打番俾我，我真係擔心佢唔會打俾我，係呢段期間我不停望自己既電話，驚會錯過左佢打黎，冇幾耐，我手提響了，是她！至此之後，我同佢成日都有聯絡，因為我真係發現至第１次見番佢既時候，我已經開始心動了！但我追唔到佢，我真係好傷心．．仲係一間網吧入面喊左出黎，我好耐都未曾為一個人而喊，２年後既第１次。我諗我真係好愛佢。不久，我１次ｏｎｌｉｎｅ，佢主動叫我，當時我都好訝異，因為佢講過佢從來都唔會主動ｈｉ人．．佢同我講唔想留係家中，好想喊，於是我叫佢過黎，我陪佢。個日，佢同佢男朋友分手，我知道佢好傷心，但在旁既我更加心痛．．．我能做的只係默默地係佢身邊陪佢．．．
冇耐，我再次追佢，佢接受左，我真係好開心，個時我成日搵佢，但日子耐左，我再唔會成日搵佢，因為大家有大家既忙，５個月後，同佢出街，佢俾我既感覺唔同左，唔知點咁，我睇得出佢唔係太快樂，好似有ｄ問題咁，但最後我都冇問佢，因為怕佢會同我分開．．．．
當佢回到家後，佢打俾我，佢話要同我分手，理由係對我淡左．．冇以前既開心，我好失望，點解佢會淡左？！我做得唔夠好咩？！．．．就咁我地就收左線．．．

　　有日，佢既好朋友－祺，突然黎搵我，佢好激動咁同我講：『你知唔知阿嘉點解同你分開呀！』我冷冷地答佢：『知，淡左嘛！佢都咁講啦！算ｌａ』祺講：『你仲愛佢嗎？』我講：『咁又點ｊａ，佢都咁啦！我都好失望！』祺突然好嬲咁講：『你係咪真係鍾意佢架！枉佢宜家日日掛住你！樣都殘哂！』我都好嬲咁同佢講：『點解將ｄ責任推落我度呀！錯既又唔係我！係佢要分手咋！』祺講：『你唔識去查架？！分開就算，佢要死勒，佢有腦癌呀！佢唔想你傷心，佢唔想你為佢擔心先同你分手咋！我地應承過佢唔講俾你聽，但見到佢宜家咁樣，做朋友既真係唔忍心見到佢咁呀！』．．．當時我個腦空白一片．．只係想即刻見到佢．．．

　　當我到ｅ院見到佢，佢殘左．．．我好掛住佢，同時我決定左我唔會再離開佢，打死都唔會！
　　個日，佢同我講我係佢既最愛，我係佢既唯一，係個時我好開心，當我同佢講完佢都係我既唯一時．．．佢睡著了．．我的眼淚不自覺咁流出黎．．．．．唔識停咁．．都唔知幾時會停．．．！
　　　　　　　　　　佢會係我一生中最愛既女人！

<<完>>
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以上個故事．．有一半係真實．一半係虛構～邊ｄ真邊ｄ假～自己估下啦～＊＊