《冇運行》(改杜甫兵車行)

深呼吸，唔敢叫，口罩紙巾各在腰。學生唔使出門送，全部停課真係"橋"。
全港市民在痛哭，瘟疫襲港真瓦燒。外來遊客問港人，港人但云病得頻。
先有禽流感 H5，依家仲有非典型。九七拜神唔見雞，依家有雞冇人吃。

市民流淚成海水，政府加稅意未已。
君不見威記聯合眾醫護，已經中晒肺炎招﹖
縱有高官探病房，之後都係入埋院。況復楊官耐苦戰，被操不異犬與雞。
記者雖有問，港人敢申恨﹖
且如龍永圖，未曾肯收口。
財爺急索銀，萬稅從何出﹖

信知親中惡，反是崇洋好。崇洋猶有 WHO，親中只有龍永圖。
君不見大街上，已經滿街口罩黨﹗學童煩冤家長哭，為怕肺炎把命攞！