一次又一次既失戀.我對感情呢樣野真係睇得好化.好多次我好想認真咁去愛.但係偏偏每當我認真既時候都冇機會.我好痛.好"支力".愛情呢個遊戲真係唔好玩.我為左佢而去改變.佢唔鍾意蒲.OK.我唔蒲.佢唔鍾意我飲酒.OK.我又唔飲.佢話冇安全感.OK.我又做晒我所有野去比佢知我有幾愛佢.但係到最後面對既都係分手.我覺得自己好失敗.冇一次拍拖可以行得長.差唔多個個男朋友都話同我一齊辛苦.究竟點解.係咪我真係令到佢地咁辛苦.O岩O岩開始既時候講到我好好GA.但係點解每次分手我都係一個好衰既人.我承認我係細路女.但係呢個係我性格.我唔可以一朝一夕去改變晒我.我已經好努力.但係仍然做唔到你既要求.對唔住.我諗我應該好好反省.我應該學習究竟點先為止愛一個人.點樣先可以做到一個好女朋友去令我身邊既人開心!~!