你同佢都係兩個獨立的人，
即使他日你同佢結為夫婦，
都唔會改變到呢個事實。
即係話，呢個世界只有盡力，
但係永遠都唔會有百份之一百。

每一個認真拍拖的人，
都會見到伴侶最脆弱的一面，
亦會響呢個時間最想照顧佢(一世)，
但係，同時間亦都要好清醒咁知道，
呢個只係一個願望，
亦都只可以盡力做，
你可以響佢需要你的時候，
盡量響佢身邊。
你既不可能保護到佢一世，
就算係可以，
都有你保護唔到佢的時刻。

我地會在保護到伴侶的時候得到安慰，
保護唔到的時候我地會好焦急，
但係點樣都好，
最緊要係真係盡左力，
唔好俾伴侶失望，
呢份責任感遠比拍拖時得到的開心珍貴。