九點幾醒左
執下o個樣
就出左去飲茶

食完野要返酒店check out
於是攞晒D行理去大老細房放住先
過去同o個Manager講左我地o係老細房
佢開門o既時候鬼鬼祟祟
都唔知佢有咩不可告人o既秘密
佢又話要一齊出去
咁咪o係老細房等佢啦
點知....
等左差唔多成個鐘
馬都跑左幾場
打俾佢問佢得未
佢竟然話搵我地唔到
返左房訓喎
幾嬲呀,佢係咪傻架!
講o既時候佢又唔聽
講完佢又唔知
仲同我地講叫我地自己出去啦
佢要訓多陣喎
浪費我地D時間
足之老細頂佢唔順
話要出去食野
佢先死死地氣出去

唉....
佢真係成個師奶咁
落o個少少雨會淋得死你咩
又要開遮
成條街得佢一個人開遮
怪不得個個都望住佢啦
唉....我唔識佢架!

行左幾條街
足之搵到間食餃子o既舖頭
不過有人已經"un un"聲
唔鍾意可以唔出o黎架

間舖頭D野食都唔錯
D八寶茶幾好味
不過沖茶好特別架
用一個o個咀好長好幼o既壺架
幾驚佢倒到周圍都係呀
都算係一個唔錯o既表演啦

食完野
男同事同Manager去左剪頭髮
佢就慘喇,俾人煩死

我同靚女同事就想去按摩
不過兩個女仔
老細都唔放心
足之同我地一齊去沐足
呵呵呵呵!
好正架,成隻腳鬆晒

幫我按摩o個姐姐好靚女架
哈哈哈哈
正呀!
佢好落力,唔會偷工減料架
我同事舒服到訓著左

最好笑o既係....
幫我按摩o個姐姐竟然話我隻手好白好柔軟
我都唔見光o既,梗係啦
老細仲笑我
話幫我按摩o個個仲舒服過我
嗚....
我已經算係粗人o黎架喇喎
咩都要做,又唔係大小姐
隻手點會又白又軟架!

個Manager都唔知仲咩
攪左幾個鐘都未攪掂
仲要搵個同事o黎問老細攞錢埋單
無錢唔好學人整頭髮啦!
我地按摩就老細埋單
成程一毫都會洗過

去到酒樓
人都齊晒喇
一入去就有人企係門口迎接我地
好大陣像呀!

入面好似仙境咁煙霧離漫
個個都食煙
攪到我成身煙味
都唔知食左幾多二手煙啦

諗住今年抽到獎啦
點知出去做抽獎o個個就有我份
唔大份都唔叫我抽
電飯煲啦,焗爐啦....
點拎o者.... >,<

諗住99號好Number啦
點知開晒22,33,44,55,66,77,88就係唔開99
好黑仔呀!
不過我同事仲慘
佢攞住個72號
兩次現金獎都開71同73,激死左
連27都開埋,就係唔中佢
死未...超黑仔囉!
Manager 反而中左盒國產護膚霜
都唔知用唔用好

大老細同另一間公司o既老細都好識做
每人派左封利是
可惜有一封有得睇就無得洗
人民幣都唔知點用

細老細就cheap 啦
大細超!
派利是俾廠o既人都唔俾我地
哼! >,<

o個日返到屋企都十一點幾
累到死左
第二日仲要返工tim
好慘!