2004年02月19日
我有d野一定要同你講清楚...我唔知你會唔會睇到依段野..但係依個係唯一可以話你知既方法..
依幾日我成日都搵你唔到...可能你係度避緊我呱..
我唔知你依排做乜野啦...
總知我搵親你..你都係唔開心咁...語氣好差...
我唔係話想怪你呀...我淨係想你知道..
我做得你女朋友...就有責任同你分擔你既開心同唔開心..
唔好咩都收收埋埋喇...你知架..你知你唔同我講我仲擔心架...
我唔介意你發我脾氣...如果你覺得發完我脾氣會開心d既..我無所謂..我寧願自己唔開心都唔想見到你唔開心..
但係我希望你唔好再令我失望..心淡..
唔好唔記得你應承過我既野..
其實我為你做左咁多野..我真係冇諗過你竟然會唔鍾意..你仲覺得我做既全部都係無聊野..其實我真係好hurt架..我有諗過死架...因為我最愛既男人竟然咁對我...
可能係我太唔了解你喇..我唔知你需要乜野..
你可能覺得我好易tum啦..你果晚講完sorry..我就冇唔開心..
其實唔係囉..我扮開心只係唔想我d fd擔心我..
我仲係好唔開心..因為我知我同你之間仲有好多問題..而且我又唔知應該點解決..
你成日話我亂諗野..但係你有冇諗過點解我會亂諗野呀?
係因為你俾唔到安全感我呀..我成日覺得你已經唔愛我喇..好似好想同我分手咁..但係又諗住拖住我先..
不過點都好..我講過架..
i wont leave u unless u dun want me anymore..
如果你話同我分手..我都冇野好講..
我好盡力咁去做一個好既女朋友..但係你呢?? 你做緊d乜野呀??
淨係日日打online game..
你俾我既感覺係..打機仲重要過我..
以前既你去左邊呀??
你話過你會搵工..搵$..等我讀完書返香港..我地結婚..你養我..愛我一世..
但係依家既你..似咩呀...你全職打機咩..
我好心淡...
真係好心淡....
︵。＞ChupaChupz＜︶ 只跟部份人分享這資訊。
於04年2月發佈
其他