放低???我諗我從來無放低過阿袓(我好似無咁叫過佢呀呵)
不過我漸漸發現佢o係我心入面好似有所改變.
究竟係我變o左定係點我都唔知道.
或者你會覺得好奇怪啦.
但係佢就好似已經存在o係我心入面好深好深o既地方.
我唔會唔記得我點樣鐘意佢,同埋我鐘意佢o既感覺.
不過我真係已經對佢o既思念轉o左做對佢o既祝福.
而家每次想起佢o既話我只會諗佢究竟過得好唔好.
再唔係好似以前咁只係好掛住佢好想見到佢o既感覺.

講真對我o黎講放唔放得低已經唔再重要啦.
有o的o野係發生o左o既永遠唔會改變.
o係我o地腦入面o既回憶亦都唔會消失.
只係或者我o地太在乎能唔能夠忘記.
愈係咁諗就係愈忘記唔到.
其實掛唔掛住一個人真係真係無得控制.
你點迫自己唔好諗都係無用.
就隨其自然啦.
開心又好唔開心又好要諗起o既就諗啦.
唔好怕...面對自己o既心意.

不過我而家o既信念係無論我心入面有邊一個人,
掛住邊一個忘記唔到邊一個.
我唔會俾自己停留o係回憶之中.
要嘗試走出呢個框框.
如果我o地永遠困住自己又點會有機會遇到一個更好o既人呢?
我知你或者仲係好辛苦,但係試下釋放自己啦.
只要相信將來會有一個更好o既人出現o係你身邊.
你就會知道唔洗執著心裡面有邊個存在.
對自己好識鍚自己先至可以令其他人鍚自己o架嘛,係咪?

我知你會做得到o架!!!
記住我好期待你會拖住一個愛鍚你o既人o係我面前出現.
我好希望呢一日快o的到.
加油呀))))))))))))))))))))))))))