我本來係一個普通,平凡嘅女仔~我係喺髮型屋道打工,生活平平淡淡......直到我遇到佢,佢令我平淡嘅生活加添了色彩~
有一日,我放工返屋企,我如常行番返屋企嗰條路,突然有人喺我後面喂咗一聲,咁我咪回頭望吓,睇吓發生咩事lor。點知......原來有人喺道影緊相,搞到我幾禁唔好意思......
之後,我再冇見過嗰日嗰個攝影師lu~直到有一日......
我喺髮型屋道做緊野,有一位客人走入嚟,我覺得佢好面善。係la~佢就係嗰日嗰個攝影師~我幫佢洗頭,但係我好唔小心咁整咗d泡喺佢隻眼道,我咪即刻幫佢沖走d泡,然後我不停咁向佢道歉,佢唔單只冇怪到我,佢仲叫老板唔好鬧我添。佢真係好人la~之後我同佢仲有傾有講添。後未佢仲約我咗出幾次街,之後......我哋仲拍拖添。
我宜家成日幫佢本雜誌做model,我哋好開心ga,但好景不常,有一日,我喺晒相房道出咗事,我比一d唔知係咩嘅液體淋到對眼,咁我就被送入醫院,之後我就冇晒知覺la。到我有番知覺嘅時候,我先至知道我做完手術。
一個禮拜後,我可能拆沙布,我真係唔敢相信,我竟然可以睇得番野,不過......
從此之後,我再冇見過佢la......我不斷打聽佢嘅消息,但係我打聽咗好耐,都冇佢嘅消息。直到有一日,佢個朋友同我講知道佢嘅下落,我問佢:「點解你唔早d同我講ar?!」原來係佢叫佢朋友唔好講比我知ga.佢朋友比咗佢ge地址比我,我第二日就去搵佢。
見到佢之後,我終於知道點解佢叫佢朋友唔好講比我知佢去咗邊,原來之前佢捐咗佢對眼角膜比我......宜家,佢盲咗la.我見到佢ge時候,我冇叫到佢,因為我知道佢唔想比我見到佢咁樣......於是,我只好忍住淚水咁離開。
從此之後,我冇再拍拖,而佢已經成為我一生中最愛嘅人。