阿輝係我阿媽公司既一位同事～佢１９歲，有一次佢上黎食飯而識到佢．當
時我都冇乜野～之後佢差唔多晚晚都上黎．個時我都冇乜反感既～但有一次～～

〔喂～家姐呀！你記時返呀？？〕我阿妹係我行緊街既時候打黎喎．
　〔做咩事呀？？我就返架啦～有咩事講啦！〕我好唔耐煩同佢講～～
〔阿輝佢著左你件衫呀～頭先阿媽仲想俾你岩岩買返黎個件新衫佢著呀～〕

當我聽到佢講呢番說話既時候～我真係勁嬲架～有乜理由一個男人著個女仔ｄ
衫架～之後我同阿妹講左句粗口．
〔有冇攪錯呀～佢點會著左我件衫架？〕我好嬲咁問佢．
　〔佢係到沖涼呀～咁阿媽咪俾件衫佢著囉～〕
〔阿媽係咪痴左線呀～我就返啦～係咁啦！〕我嬲到差ｄ連個電話丟落地下呀～

之後我同我個ｆｄ行多陣就即刻返屋企．
我返到屋企落下既時候～～我隱約見到類似我件衫既物體行緊過黎～
噢！係阿媽同佢～佢竟然真係著住我件衫～ｏｈ！有冇搞錯呀～佢仲笑笑口咁
對住我講ｂｙｅ　ｂｙｅ喎～佢知唔知醜架～又唔知自己個樣成個黃夏慧咁喎～
又瘦喎～ｄ手指仲要留手甲喎～都唔知幾樣衰呀～個頭仲要～～唉～～仲之佢就
好樣衰～如果你見到佢～你都會話佢係一件極品呀～

自從個次之後，我勁憎佢囉～佢仲要日日上黎．佢仲要係我屋企沖涼，訓啦，食
飯啦～簡直當正係自己緊企呀～見佢就憎啦～我為左佢同我阿媽都唔知嘈過幾多
次呀～我阿媽竟然話～～～

〔你同你老豆都唔理我架啦～阿輝對我幾好～我當佢係仔一樣架～你老豆出面都有
個啦～家用又唔俾～你應該問佢想點呀？〕佢竟然同我講呢ｄ野～
〔呢ｄ係你同老豆既野～我幫唔到幾多啦～再講啦～我唔錫你？如果我唔錫你既，
就會係你唔見左個手提電話既時候，我就即刻返成個禮拜工，俾成千蚊你啦～
你仲要屈我整唔見你部電話～～你係咪痴左邊條根呀～〕
〔仲有呀～你估佢真係關心你呀～佢呃你咋！你問你自己呀～你借左幾多錢俾佢呀～
佢有冇還過呀～你而家仲俾埋個電話佢用～我睇你幾時俾佢呃晒ｄ錢呀！〕
〔你同我定～佢唔會既～〕佢咁肯定既～我都冇野講啦～

過左幾日，我阿媽應驗左我講既野～個賤人用我阿媽電話打左好多＃乜＃乜～
要我阿媽交成５千幾蚊既電話費～抵佢死呀～又唔聽我講～好啦～而家睇佢仲有
咩好講，係呢幾日，我阿媽打左好多個電話俾個賤人，但個賤人冇浦頭．搞到我媽
只好交啦～呢件事之後，佢仲唔識死呀～仲要借個電話俾佢用～我話同我阿媽講．

〔你係咪好耐冇俾人鬧過呀？之前個單野，你應該有個教訓啦～但你仲唔知死．
仲俾佢用～你係咪有好多錢俾人呀～係就借ｄ俾我啦～〕我好嬲咁同我阿媽講．
而佢只係講左幾句得啦得啦～就了左件事～而我唔會就咁算架～

一日，我知道佢會上黎，係佢上黎之前，預先將ｄ痕粉落入係佢個支沐浴液到，
之後攪和，哈哈～～當佢沖完涼之後出黎既時候，佢不斷係到抓．．哈哈～
佢好痕呀～佢知道係我做既～就好嬲咁走左啦～我當堂人都涼晒呀～我阿媽都係到
笑呀～～哈哈～呢件事好多隔離鄰居都知～佢地都話做得好呀～可知佢係幾乞人
憎呀～自從呢件事之後～佢就唔敢係我屋企到沖涼～但佢仲係唔肯走～～

之後係幾個月之後～佢就冇上過黎啦～點解～～係錢既問題．．想知～睇下集啦～

待續～