我地見面之後～就話去深水步到買野～咁我地就搭巴士去啦～上到上層既時候，
我同佢都係分開坐架～之後佢話〔坐過黎呀？？〕佢同我講呢句野既時，我真係好
開心架～但我話〔唔濟！我要坐窗口位～你坐過黎啦～〕但佢唔肯呀～最後我都有～
坐係佢隔離～～哈哈～～～

我地個日行完深水步之後就行去旺角～～行到１１點到啦～皆因個日係星期六～
星期日我又要返工喎～咁咪去左佢屋企訓左一晚囉～但我地個晚咩都冇做過架～
但個晚我個心好甜架～～

〔喂喂～我訓唔著呀～玩電腦呀？〕唔知係咪我緊張呢～訓唔著覺～咁呼叫佢陪我
玩電腦囉～佢教我係ｓｉｎａ玩麻雀呀～而且我地仲輸賭呀～就係我贏左～佢就
要錫我一下～佢嬴左我就要錫佢一下，我地玩到成一點幾呀！我就輸左咁耐～
當我嬴左一局時～佢就錫左我一下～塊面～～～哈哈～～
終於都開始眼訓啦～我地就上床面對面訓覺覺～我望住佢個樣～佢真係好得意架．
佢都望住我～直到個一刻唯止～我地都仲未試過真正既咀對咀～但係下一分鐘就試左
啦～點解？起初，我做主動架～發覺佢原來唔識架～因為佢係第一次拍拖囉，個時
我個心簡直甜到笑出黎呀～跟住佢就主動啦～係個晚，我地好似冇乜點訓過呀～
成晚就係到～～～～～～～～嘻嘻～～

第二日，佢送左我返工，我地仲一齊食早餐呀～之後幾日因為要返學～所以都好少
見面～更係啦～佢住西環,而且佢同我一樣,都係讀中四既，所以我地唔見既時候，
就傾電話黎補數囉～話時話呀～佢ｄ英文都好勁呀～起碼勁過我先啦～所以，
有時我都會係電話到問下功課咁啦～話晒都同一個ｆｏｒｍ呀～

我同佢行左足足四個月～係呢四個月黎～我發覺我越黎鍾意佢，可能我覺得佢
對我好好啦～佢俾我既感覺同之前既真係好唔同～我好緊張佢，時時都會
諗我會唔會冇左佢，係我同佢一齊既時候，我知道佢最鍾意既唔係我～
係另一個女仔，但我都唔介意，因為我好想令佢改變，令佢心目中既第一位係我．
好可惜，我始終都做唔到～因為真係好辛苦，每次當我知道佢係到掛住更另一個
女仔既時候，我個心真係好似俾刀界傷左咁～好痛好痛，眼淚就會不停咁一直
流，訓到半夜三更，醒左又喊，第二朝返學，我都唔敢抬起個頭同人講野～
但佢地一見到我唔同以前哈哈大笑既我～佢地就會知道我發左事～一個月裏面，
我至少都會喊一次～喊到連我都唔識喊啦～佢都知～佢好多時都知我諗咩～但
知道又點呀～可以改變到咩～係唔得呀～～～

十二月，一月，二月，三月～～～我同佢一齊渡過左第一次既聖誕節，新年，情
人節，佢既生日．但呢ｄ成為左最後既一次，回憶～～～～

２００３年３月３１日～～
係佢既生日，但我都冇同佢過生日～佢話同屋企人一齊過，而且我知道佢等緊一
個人同佢過～我係知道架～我知佢係生日時～都掛住個女仔，我亦知道我同佢
巳經冇可能再可能一齊～佢同我講個一句既時候，我就知我地冇可能左一齊．

〔對唔住呀～我仲掛住佢，我知你好唔開心架～對唔住呀！〕佢攬住我既時候
同我講，我一路喊一路笑住咁同佢講～～
〔我知呀～唔更要喎～我好開心呀～我終於知道佢係心目中係最重要既～我知
你都好唔開心架～唔駛咁喎～我真係好開心架～～〕我點解會咁講架～知唔知
我個心巳經碎得唔可以再碎啦～～

２００３年４月２日～
我係ｉｃｑ同佢講左個故仔～佢知道係講緊我同佢，之後佢打俾我～問我～～
〔你係咪有野想同我講呀？〕初時我都話冇架～但我ｄ喊聲呃唔到佢～
〔不如我地散啦～我知你真正愛既係佢呀～我唔想大家都辛苦呀～〕我終於可以講
到啦～初時我ｄ　ｆｄ話我係講散先～而家被佢講中啦～～
個心好痛好痛～我知道如果我退出既～佢地係可以係埋一齊架～我係知道架～～
個晚，我喊得好勁～～喊既時候就係聽住呢首歌～而家聽返個心仲有ｄ痛～～～

沒有這件事　妨礙我們
難道我和你　又會一樣
就算不是她　也有問題吧
早該分開　不該怪她

即使跟蹤你　來臨案發現場
牢牢看守著你　提防你搭上這一個她
下個她　都會趁我看不到誘惑你
明白如你要這樣易變心　哪到我害怕

就算她　跟你有段情
我也為你高興　用第三者身份見證
最不可靠是愛情　我們無人能得勝　再溫馨
仍不夠耐性　捱得到第四者　煞風景

待續～～～～～～