同佢散左之後～我既心情仲未平靜到～成日都會諗起佢～好想打俾佢～好想聽
到佢把聲～好想見到佢～好想好想～～～

２００３年４月～～
每日就係咁返學～一日一日，過得好快～每一日都同朋友一齊過，咁岩個時係
非典型時期，返學既時間又縮短左～１２點幾就放學～冇咩做～咪同ｄ朋友睇
戲呀～唱ｋ呀～行街呀～玩ｉｃｑ，無無聊聊咁就一日，個時都有諗過～
〔冇左男朋友都唔係唔得呀～而家都好開心呀！〕可能係日間既時候係會咁諗既～
但ｄ朋友唔係你既身邊～你又會點呀～會寂寞～會悶～我講過～我係一個好怕
寂寞既人～但我再唔想俾自己受傷啦～到而家個心都會不時隱隱作痛～
當我有ｄ意思想拍拖既時候，佢〔個心〕就會提醒我，點樣傷，點樣痛．
之後我就打消左呢個念頭，就係咁～過左一個月～

我覺得我變返以前既我～玩ｉｃｑ識男仔～玩玩下～係網上同人拍拖～但
唔會出黎見～～因為我覺得係網上同見面時感覺係唔會唔同既～我幾ｌｉｋｅ係
網上個種感覺～起碼會俾人有一種神秘感～但一出黎之後～個種感覺就會消失～
而且我可以俾人錫～俾人關心～都唔錯呀～但好唔好彩～同佢見左面～～～～

〔ｈｉ！你叫咩名呀？我地交換電話呀～〕個時係ｉｃｑ見佢咁打～而我又好悶
喎～咁咪俾左電話佢囉～係個晚我地傾左足足６個鐘呀～我個時以為玩玩下～咪
媾下佢囉～點知佢受囉～之後佢話聽日出黎見面喎～～咁我就係唔肯啦～我咪同佢
講啦～〔我聽日要返教會呀～～下次先啦～〕個時我真係有返教會呀～但返左一
次就冇返啦～第二日，我返完教會～就打俾佢啦～點知佢黎左荃灣喎～既然係咁，
唯有去見下佢囉～～況且見完就會玩完架啦～我就去左地鐵站到見佢～～一見佢～

佢好靚仔呀～比我想像中勁靚仔呀～可惜矮左ｄ～但都高過我～我見到佢就一路
咁係到笑～而佢呀～就話我好開心咁～剩係咁笑～哈哈～個日就係埋左一齊～
至於個日既經過～就下集話你知啦～

待續～～～