相識----
一個朋友搭朋友既電話,一段好短既通話之下.我認識左佢.阿”好人”
內容傾d 咩?唔記得左lu,咁耐世紀既野邊有人記得嫁~淨係之道同佢傾計就覺得….好似無所不談咁~就例如d天方夜譚既野都可以傾….一句講曬”開心囉~”

見面----
阿”好人”係同我讀埋同一間中學既,第一次見到佢係
係from 3既陸運會到見到佢~

相遇----
佢見到我,佢第一個反應就係---------驚!!!點解??
因為我係一個又肥又醜既女仔囉~
佢個表情都令我幾難受嫁~
不過如果我係佢既話,我都會好似佢咁…..
之後次次見到呢個好人,我都會用d憎恨既眼神望住佢
因為我唔鍾意佢d表情…..

升班----
天意! 點解會同好人一班,點解ar,點算好~(果陣時我係咁諗嫁~)

開學----
番學-----放學----過左一日

對望-----
某一日,小息時間~阿好人如平日般作弄我,係條長長既走廊到
好人同班女仔玩對望喎~.我咁 arm 又行過.我心諗:-------------
(佢一定會玩我既,我咁樣衰…..就等我一於眼定定咁望番住佢 !
佢實頂唔到嫁,好la.就咁對付佢la~)如事者~
我地就咁樣對望~(1….2….3…4….秒)身旁所有既friend都笑起黎
,連我自己都好想笑~不過都忍住笑咁走左, 而 好人 ,佢緊係頂唔順LA~
ha～由果時起就變左朋友　ｌｕ～

ｂｂｑ～
好開心ar~升左from 4 之後,第一次有時間係學校到燒烤,
好似係好多班一齊攪嫁,而隔離班既海狗唔知得罪左邊個.
攪到個個都落曬籃球場.不過小事黎嫁啫,好快就解決左.
差唔多走la~於是我就走去同阿好人玩.我見到佢條褲到夾
住左果時好興既fing fing 鏈,我就好無聊咁走去”蚊”佢條鏈,
走到學校既門口,我又”蚊”過. 不過今次有d唔同,佢個表情
有d 呆呆地,到我走到路口回頭望佢既時候,佢仍然望住我.
之後我番企曾經諗過一個問題:點解佢會呆左咁望住我,
答案唔咪佢鍾意我,而係佢望到 d 佢唔應該望到既野.

升中五前夕-----
唔知幾時,我發現我原來鍾意左好人.不過呢件事都隱藏唔到好耐.
有日,文仔無啦啦走黎問我,我係咪鍾意好人定話鍾意阿輝仔.可能因為
座位既角度差唔多,連名都有同音字既關係..又成日見到我由果個角度
望過去既關係,分唔清我鍾意既係邊個,當然我緊係否認兩個都無LA~
果次既突然,差唔多嚇死我……>.<

升中五──
我成績ｂａｄ───留班
好人成績ｂｅｓｔ───升班

紀念冊───
關鍵人物：２３號仔
佢張記念冊寫既野將會係我人生既一個轉捩點
我將收埋得好辛苦既野,寫左比呢個23號仔睇.點之
我信錯左人,原來呢個23號仔係好人既好朋友之外.仲係
一個交遊廣闊既人….我d 野就咁比佢傳開左..
但我無後悔我講左比呢個人聽,因為係我自己要講既
所以之後既後果,我自己負責番..所以無後悔過
一個星期後,全級都知我鍾意好人.
所以我地兩個一見面就避開大家,幸好既係
好人升左班,而我就留左班,因而無耐既場面亦都小左…….
不過有一日,我去個知己既屋企玩,點知三個女人一個虛,
玩玩下變左講心事,而果期又興流星花園喎.
所以我地就好白癡咁學流星花園其中一幕咁玩
“剪刀.石頭,布,”簡稱”包.剪.x.”不過差輸左就要選擇玩真心話同大冒險.選..
真心話:嬴左果個隨意發出一個問題比輸果個答.而輸家唔答又或者
講大話哩.就要罰飲酒.
大冒險:人地叫你做咩你就要做咩,唔做一樣要飲..
唔知我係咪唔識飲酒既關係…..飲左兩杯就暈暈地..
酒好快飲完,所以我地提高難度性.只準玩大冒險,
而因為無酒就變左一定要做果d咁既指定動作
但係一玩大冒險,我就輸曬..又要做sit up,又要自轉,咩都做齊咁濟,
跟住兩個妹妹仔就玩到無野好玩…叫我打去好人到,同佢講 "我愛你".
但我又真係同佢地一齊癲喎,又真係打左比呢位好人…

對話------m : 我 , p : 好人
m:喂~唔該好人ar~
p:我係,咩事(好cool 嫁)
m:我愛你ar(癲左)
p:咩話?
m:我話~我愛你ar~”跟手cut 線.
我個心,好舒服,前所未有既咁舒服,
我地三個女仔都不由自主咁嘻哈大笑.
笑左陣~
我個friend忽然好正經咁問左我一個問題
“你都明知無結果嫁la~你仲咩仲要鍾意佢ar~”
咁我又問佢:咁你明知你無錢買LV嫁LA~
點解你又成日話”我好鍾意哩個LV AR?”
有好多野,唔係話有得解嫁.因為你鍾意果樣野
就係鍾意,唔理果樣野係變到點 .你都係會鍾意嫁
咁樣先係自己加嗎~何況果種係自己既感覺,人地係唔會知嫁.
“不過,我見你鍾意得咁辛苦,成日比人串比人話,
你唔難頂嫁咩??”
難受?我諗佢仲難受ar~
佢比佢自己d friend 串既時間,仲多過我比佢地串la~
有時我諗:我令願佢d FRIEND串我,都好過佢比自己 D friend 串咁難受ar,
不過,最衰既都係我鍾意左佢,攪到咁.
第二日
死la~點算ar~昨日我講左 d 連自己都唔相信自己會咁做既野
點知 仲白癡既係…我打左比呢個好人,問佢,我昨日有無打電話比佢
天阿…………
我真係癲左……>.<

會考後-----
好人開始放長假準備會考,而我準備考試.,
其後我地都無咩見到面 lu ,直至………..

聖誕節-----
短短重讀from 4 既一年,斬下眼就過左la~
我亦同時鍾意左好人一年,聖誕節緊係部我哥哥la~
不過,無諗過會見到阿好人…….
原本上車諗住去尖咀睇戲,但途中聽到阿哥講電話,
話等阿邊個邊個,於是我問佢,等間ar好人會去ar?
“咁你都知?”
於是我話要落車,但哥哥搵得我出街,又邊會咁易走到AR~
最終都係去左尖咀……

尖沙咀碼頭------
見到好人LA~好人見到我驚到想走,
但比我哥哥捉住左~咁既情況底下,成班人只好一齊行.
整個氣氛都好似因為我黎左,而變得唔好,
我曾經想走好多次,因為D人好似因為我既出現而變得唔開心
我唔想人地唔開心.我想走.但哥哥始終唔比我走…..
佢D FRIEND想整估阿好人,想我同阿好人,兩個人行
最初,係成班人一齊行嫁.點知行行下就淨番 ---我 ,哥哥,同好人
佢地仲想叫哥哥走去佢地到,淨番我同佢.好幸,我見到,
所以沖上前同番D女仔一齊行,如果我唔知,見唔到,結果又會係點呢?
同佢一齊行,,好開心,我真係好想望住佢,好想…好想……
但係我又驚佢比佢自己 D FRIEND 話,所以成日回避阿好人D眼神…
就係咁…我成晚,係走個時,先真真正正咁望左好人一眼.雖然好短時間,但係
心~
已經好滿足.

升中五-----
我最辛苦既一年,由於好人走左,但阿23號仔留班,原本我班FRIEND都唔知我
同好人既野嫁.但係佢又再一次交遊廣闊咁………,結果班friend又知道曬
*唉~不過都慣LU~
亦因為23號仔既留班,我再一次見到好人係門口出現.
不過我同佢一見到,都會相反方向咁走,走得愈遠愈好.
D 人就唔會有咁多既閒言閒語…….
相----惡夢既開始
我keep左佢張相係身,但又比阿23號仔見到…….
佢見到係無問題嫁,係佢把交遊廣闊既口．．．
好人終於知道左．佢緊係唔ｈａｐｐｙ　ｌａ
如果,我知道我唔鍾意既人攞左我張相，我都會唔ＨＡＰＰＹ　ＬＡ
更何況果個仲係豬扒中既豬扒～但咁都唔洗講d咁既野.....
“唔通爆粗咁問佢攞番張相咩”呢句係好人，（你）自己講嫁
因為我當時係，係佢前面，只不過佢見唔到．．．所以無意中聽到嫁
更知佢今日黎既目的．．．係我番課室既時間都作左一Ｄ既心理準備
但無諗過，佢地會咁過份．．．．
雖然我自己都知，我同好人係無可能既，
但係２３號仔佢地都無理由係班房後面大大聲咁講“無可能”
呢三隻字，仲要講左３次，係３次ＡＲ～，我知～佢地係為我好，想我對好人死心．
咁我又何常唔係想對佢死心至得嫁，但係,死到至得嫁~死唔到之如仲會好
ｈｕｒｔ嫁，你知唔知ａｒ？我忍喊忍得好辛苦．．．
終於忍到番屋企喊左一晚，其實我唔明，我真係唔明
我有好人張相有咩咁大件事喎，只不過係ｄ交遊＊廣闊既人傳左出去
先會咁之嗎，原來ｋｅｅｐ住人張相都有錯嫁．．．
點解佢地唔可以停一停抵，企係我既角度去諗下我既感受嫁．．
我好辛苦ａｒ，我好想放棄aｒ．．．．．
由於中五可能係我係學校最後既一年，我咩都想試下．
所以我參加籃球比賽．歌唱比賽同陸運會裹面既項目．

籃球比賽───
我同四個女仔代表文社打籃球，結果輸曬，ｄ　女仔都唔係打波既
係打人嫁～我地五個女仔打完埸波，個個都曬~(^,^)~
好人做左半場球証．

歌唱比賽───
第二次上台，驚到唱唔到．結果入唔到圍．
好人比佢班ＦＲＩＥＮＤ捉住睇我唱歌．
我係台上面見到咁既情況，佢咁ａｒｍ又望到我望住佢，
突然，我地只好苦笑～
最後我連入圍都入唔到，但係好人竟然開口問我：
ｗｈａｔ　ｄｏ　ｙｏｕ　ｓｉｎｇｉｎｇ？
我好開心咁笑，因為我估唔到，佢會自發性同我講番野～
咩入唔到圍，咩ｗｈａｔdo you singing 內容講咩,已經唔重要,
重要既係,係果一刻,我地成日見到大家而避開形成果道”埸”已經唔存在la..
陸運會-----
標槍,結果又係失敗.
我又見到好人,不過,又係走得愈遠愈好
唔見更加好果隻~

會考(自修室)----
同班frined溫書又見到佢la~
因為會考,想專心溫書,放棄好人
但係扁扁又成日比我見到佢,
果種感覺,好矛盾,好煩,好亂,亦忍唔住,喊左出黎.

Icq---
我好衰咁扮成第二個人問ar好人野
我先知道,原來我係佢地眼中只係一隻怪物,
我亦唔想欺騙佢,話左比佢聽,我係邊個
我亦曾經一度再發癲,我send 左個offline 留言
話我會為佢減肥~……….
So,第二日已經傳開曬~無錯又係交遊廣闊既２３號仔．．．．
我又一次發悔氣ｌａ～
我好ｈｕｒｔ嫁，我雖然係你地心目中，我係一隻怪物．
但係我係呢個世界上，我假假地都係一個人黎嫁．
我都會有我唔開心既時候，我有血有肉嫁，我都知咩叫痛嫁
我都有自尊嫁，唔好話你地想講咩就講咩ｌａ～唔該～
我唔係任你玩無思想，無感覺既公仔ａｒ．我唔係想話要ｄ咩ａｒ．
我只係想同人講：
我係有感覺嫁，理下我既感受，好．．唔．．好．．

會考完結
會考結果當然更加唔洗講ｌａ～唉～～～～
我同好人好小再撞到ｌｕ～
咁我同佢算唔算係結束？我答你ａｒ～
我同好人跟本都無開始過，又點會有結束呢個字眼呢～
有時我諗，我識左佢咁耐，都無問過佢有無曾經鍾意過我
不過都唔洗問ｌｕ～自己其實知嫁，但答案係咪真係咁重要呢？
對於我黎講係　係嫁．．．但係我一直都好想佢話我知呢個答案

結果係唔係失敗都好，都習慣左ＬＡ～

佢Ｄ　ＦＲＩＥＮＤ講佢既飲酒事件，機輔裹面講既一夕話．．
經過我問過証人後亦得知原來係一個笑話．．．．

而家好人唔再煩，唔再係沉睡既王子ＬＡ～
因為沉睡既王子已經比公主喚醒了～
但唔好誤會，那公主並不是我～～€ＮＤ～～
火柴人亦唔再痛LA,因為佢已經死左~